Ermənistan sülh sazişi ilə bağlı mövqeyini Lavrova təqdim edib

Ermənistan sülh sazişi ilə bağlı mövqeyini Lavrova təqdim edib
  21 Mart 2022    Oxunub:1450
Ermənistanın xarici işlər naziri Ararat Mirzoyan rusiyalı həmkarı Sergey Lavrovla telefon danışığı zamanı Bakı ilə sülh sazişinin bağlanması üçün danışıqlara başlamaq məsələsində İrəvanın mövqeyini təqdim edib.
AzVision.az xəbər verir ki, bu barədə Ermənistan Xarici İşlər Nazirliyinin mətbuat xidməti məlumat yayıb. “Ararat Mirzoyan həmkarına Ermənistan və Azərbaycan arasında sülh sazişinin bağlanması üzrə danışıqlar prosesinə başlamaq məsələsində erməni tərəfinin mövqeyini təqdim edib.”, - deyə məlumatda bildirilir.

Söhbət zamanı Ermənistan və Rusiya xarici işlər nazirliklərinin rəhbərləri İrəvan və Ankara arasında münasibətlərin normallaşdırılması prosesini müzakirə ediblər.

Ceyhun Bayramov Lavrovla regionu və Ukraynanı müzakirə edib
Bundan əvvəl Ermənistanın baş naziri Nikol Paşinyan dəfələrlə bəyan edib ki, 2020-ci ilin payızında Azərbaycanın Dağlıq Qarabağ bölgəsində baş verən hərbi əməliyyatlardan sonra onun kabineti regionda sülh erası açmağa hazırdır. Bunun üçün İrəvan həm Azərbaycanla sülh müqaviləsi bağlamaq, həm də Türkiyə ilə münasibətləri normallaşdırmaq niyyətindədir.

Qeyd edək ki, bu gün Azərbaycanın xarici işlər naziri Ceyhun Bayramov və Rusiyanın xarici işlər naziri Sergey Lavrov arasında telefon danışığı baş tutub.

Rusiya Xarici İşlər Nazirliyi isə bildirib ki, Sergey Lavrov bu gün Ermənistan və Azərbaycandan olan həmkarları Ararat Mirzoyan və Ceyhun Bayramovla İrəvan və Bakı arasında sülh müqaviləsinin bağlanması məsələsini müzakirə edib: “Nazirlər 9 noyabr 2020-ci il, 11 yanvar və 26 noyabr 2021-ci il tarixli yüksək səviyyəli üçtərəfli sazişlərin əsas müddəalarının icra vəziyyətini, habelə Azərbaycan və Ermənistan arasında sülh müqaviləsinin bağlanması məsələsini nəzərdən keçiriblər”.


AzVision.az


Teqlər:   Ermənistan   Rusiya  



Xəbər lenti


Azvision.az ©2014 | Bütün hüquqları qorunur