"Atamı gözümün qarşısında güllələdilər" - Ukraynalı uşaq

"Atamı gözümün qarşısında güllələdilər" - Ukraynalı uşaq
  22 Mart 2022    Oxunub:1758
Ukraynada daha bir müharibə dəhşəti yaşanıb.AzVision.az xəbər verir ki, yerli media rus hərbçilərinin Kiyevin Buça şəhərində dinc sakinlərdən birinin səbəbsiz yerə amansızcasına güllələməsi barədə məlumat yayıb.
Bildirilir ki, çoxuşaqlı ailə başçısı olan kişi 14 yaşlı oğlunun gözü qarşısında qətlə yetirib.

Xarkovda tank içində uşaqlar olan maşını vurub
"Faciə martın 17-də baş verib. Öldürülən 47 yaşlı Ruslan Neçepurenko silahı olmadığını desə də işğalçı tərəfindən vurulub. Ata 14 yaşlı oğlu Yuri ilə birlikdə dərman və humanitar yardım üçün işğal olunmuş Buçanın mərkəzinə gediblərmiş. Oğlu deyir ki, "Biz velosipeddə gedərkən evin arxasından bir rus hərbçisi çıxdı. Dayandıq, əllərimizi qaldırdıq, dedik ki, silahımız yoxdur. Amma əsgər atama atəş açmağa başladı. O yıxıldı. Sonra hərbçi mənə doğru atəş açmağa başladı. Əlimə iki güllə dəydi. Yerə yıxıldım. Əsgər "kapüşonuma" doğru nişan aldı və bir dəfə də atəş açdı. Amma güllə başıma dəymədi”.

Yura ruslar ərazidən uzaqlaşana kimi yerdə uzanıb. O sonradan ən yaxın sığınacağa qaçıb və ona ilkin tibbi yardım göstərilib. İki gün ailə atanın meyitini götürə bilməyib. Meyiti ərazidən götürəndə isə dinc sakinlərin qollarına sarıdıqları ağ sarğı artıq onun üzərində olmayıb. Ruslar qurbanın qolundan onu çıxarıblar... Bundan əlavə, onlar telefon, pulqabı və hətta ev açarlarını da meyitin üzərindən oğurlayıblar. Onun həyat yoldaşı isə deyir ki, "rus canavar" dəqiq atəş açıb. Güllə düz kişinin ürəyindən və başından dəybimiş. Ailə atanını yaşaadıqları evin həyətində dəfn etməli olub", - məqalədə yazılıb.

Qeyd edək ki, Ukraynada müharibə başlayandan xeyli sayda dinc sakinin səbəbsiz yerə gülləyə tuş gəlməsi barədə məlumatlar yayılıb.

Tural Tağıyev
AzVision.az



Teqlər:   Ukrayna  



Xəbər lenti


Azvision.az ©2014 | Bütün hüquqları qorunur