ABŞ Dövlət Departamenti də “Daş yuxulara” qarışdı

ABŞ Dövlət Departamenti də “Daş yuxulara” qarışdı
  14 Fevral 2013    Oxunub:1795
ABŞ Dövlət Departamenti yazıçı Əkrəm Əylisli ilə bağlı məsələyə münasibət bildirib
ABŞ Dövlət Departamentinin mətbuat xidmətinin rəhbəri Viktoriya Nuland fevralın 13-də keçirdiyi brifinqdə Ə. Əylisli ilə bağlı məsələni, xüsusilə Müasir Müsavat Partiyasının sədri Hafiz Hacıyevin yazıçını təhdid etməsini yaxından izlədiklərini deyib.
V. Nuland Hafiz Hacıyevin polisə çağırılmasından xəbərdar olduqlarını da deyib: “Bu, doğru addımdır. Biz ifadə azadlığına inanır və buna dəstəyimizi bildiririk”.
Dövlət Departamentin sözçüsü Azərbaycan hökumətini Ə. Əylislinin təhlükəsizliyini qorumağa da çağırıb.Qeyd edək ki, yazıçı Ə. Əylisinin “Daş yuxular” əsəri Azərbaycanda ciddi qalmaqal yaradıb. Əsərə etiraz bildirənlər onun kitablarını yandırıb, aksiyalar keçiriblər. Müasir Müsavat Partiyasının sədri Hafiz Hacıyev isə yazıçının qulağını kəsənə 10 min manat mükafat vəd etməsi barədə bəyanat verib.
Azərbaycan Daxili İşlər Nazirliyinin sözçüsü Sadiq Gözəlov bu gün APA-ya açıqlamasında Hafiz Hacıyevin nazirliyə çağırıldığını, ona bəyanatı ilə bağlı xəbərdarlıq edildiyini bildirib.


Teqlər:  





Xəbər lenti