"İskəndər"lə 4 anbar vurmuşuq" - Rusiyalı general

   "İskəndər"lə 4 anbar vurmuşuq" -    Rusiyalı general
  18 Aprel 2022    Oxunub:741
Rusiya Müdafiə Nazirliyi Ukraynada həyata keçirdiyi hərbi əməliyyatlara dair yeni məlumat yayıb. AzVision.az xəbər verir ki, nazirliyin mətbuat katibi general-mayor İqor Konaşenkov deyib ki, “İskəndər” raketlərindən növbəti dəfə istifadə edilib.
Raket zərbələri nəticəsində Ukraynaya məxsus hərbi anbarlar məhv edilib.

Zaporojyedə ferma "Toçka-U" ilə vurulub - VİDEO
- Raket qüvvələrinin yüksək dəqiqliyə malik "İskəndər"dən endirdiyi zərbələr nəticəsində dörd silah anbarı və Ukrayna hərbi texnikaları, həmçinin Popasnaya, Yampol və Kramatorsk yaşayış məntəqələri yaxınlığında düşmənin üç canlı qüvvəsinin cəmləşdiyi ərazi məhv edilib, - general deyib.

Onun sözlərinə görə, Rusiya artilleriyası Ukrayna qoşunlarının xeyli sayda obyektini zərərsizləşdirib.

- Gecə ərzində Rusiya artilleriya bölmələri Ukrayna qoşunlarının 315 obyektinə hücum edib. 18 komanda məntəqəsi, 22 artilleriya batareyası, OSA-AKM zenit-raket kompleksi, həmçinin düşmənin 275 istehkamı və canlı qüvvəsinin cəmləşdiyi ərazilər vurulub, - Konaşenkov brifinqdə söyləyib.

Qeyd edilir ki, bundan əlavə, gecə saatlarında Ukraynanın on altı hərbi obyekti, o cümlədən beş komanda məntəqəsi, yanacaq anbarı və üç sursat anbarı da daxil olmaqla xeyli sayda mühüm obyektlər havadan yüksək dəqiqlikli raketlərlə sıradan çıxarılıb.
Rusiya Aerokosmik Qüvvələrinin hava hücumundan müdafiə sistemləri havada üç Ukrayna təyyarəsini, iki MiQ-29 və bir Su-25-i, həmçinin 11 pilotsuz təyyarəni vurublar.

Tural Tağıyev
AzVision.az



Teqlər:   Rusiya   Ukrayna   İskəndər   Raket  



Xəbər lenti