Mayk Tayson təyyarədə sərnişini döydü - VİDEO

Mayk Tayson təyyarədə sərnişini döydü - VİDEO
  21 Aprel 2022    Oxunub:1502
Boks üzrə keçmiş dünya çempionu Mayk Tayson ABŞ-da təyyarədə sərnişin olan kişini döyüb. Bu barədə TMZ Sports məlumat yayıb.

Mənbənin məlumatına görə, insident San-Fransiskodan Floridaya uçan təyyarədə baş verib.
Yola düşməzdən əvvəl 55 yaşlı idmançı pərəstişkarları ilə foto çəkdirib. Onlardan biri israrla Taysonla danışmağa çalışıb və həmin şəxsin bezdirici hərəkətləri idmançının qəzəbinə səbəb olub. Nəticədə boksçu sərnişinin üzünə bir neçə zərbə endirib. Zərərçəkmişdə qan izlərinin olduğu qeyd edilir. Şahidlərin sözlərinə görə, Tayson hadisədən dərhal sonra təyyarəni tərk edib.

Qeyd edək ki, 2005-ci ildə Tayson Braziliyalı televiziya operatoruna hücum etmişdi. Bu, gecə klublarından birində baş verib. İdmançı operatorun videokamerasını əlindən alaraq onla jurnalisti vurmuşdu.

Tayson 1987-1990-cı illərdə ağır çəkidə dünya çempionu olub. Onun peşəkar boksda 50 qələbəsi və altı məğlubiyyəti var.




Şahanə Rəhimli
AzVision.az


Teqlər:



Xəbər lenti


Azvision.az ©2014 | Bütün hüquqları qorunur