|
| Türkiyə ordusu 11 terrorçunu da məhv etdi |
- İraqın şimalında başladılan "Pəncə-Qıfıl” əməliyyatı uzun bir hazırlıq mərhələsinə, planlamaya uyğun olaraq lazımi qurumlar, təşkilatlar və qüvvələrlə koordinasiya prosesinə əsaslanır. "Pəncə-Qıfıl” əməliyyatlarının keçirildiyi zonada çoxlu mağaralar, sığınacaqlar və sözdə qərargah adlandırılan mövqelər var. Ona görə də bizim əməliyyatların yalnız birinci mərhələsi tamamlandı, - Akar jurnalistlərə deyib.
Onun sözlərinə görə, Türkiyə Silahlı Qüvvələri lazım olan yerlərə, nəzarət edəcəyi ərazilərə qurudan və havadan çataraq, oradakı hədəfləri ələ keçirib.
- Vurğulamaq lazımdır ki, ələ keçirilən hədəflər bu fazanın ilk mərhələsidir. Daha sonra bu fəaliyyət onların bütün "yuvalarına", mağaralarına, sığınacaqlarına və bunkerlərinə bir-bir girilərək davam edəcək. Bu, terrorçular zərərsizləşdirilənə qədər davam edəcək. O vaxta qədər davam edəcək ki, İraqın şimalından bizə heç bir terror təhlükəsi olmayacaq. Ona görə də bizim bir məqsədimiz var – terrorçular... Harada terrorçu varsa, biz də oradayıq. Bizim məqsədimiz budur, - nazir qeyd edib.
Xatırladaq ki, Türkiyə aprelin 18-də İraqın şimalındakı terror yuvalarını məhv etmək üçün xüsusi əməliyyata başlayıb. Türkiyənin müdafiə naziri Hulusi Akar deyib ki, "Birləşmiş Millətlər Təşkilatı Nizamnaməsinin 51-ci maddəsindən irəli gələn özünümüdafiə hüquqlarımıza uyğun olaraq, “Pəncə Kilit” adlı əməliyyatda Metina, Zap və Avaşin-Basyan bölgələrində əvvəlcədən müəyyən edilmiş hədəflər vurulub".
Tural Tağıyev
AzVision.az
Vaxtında, Aydın, Lazımlı!
-1783098976.jpg&h=190&w=280&zc=1&q=100)
-1783065938.jpg&h=190&w=280&zc=1&q=100)
-1782996984.jpg&h=190&w=280&zc=1&q=100)
