Ermənistan MTX təxribatlarla bağlı vətəndaşlara xəbərdarlıq etdi

Ermənistan MTX təxribatlarla bağlı vətəndaşlara xəbərdarlıq etdi
  30 Aprel 2022    Oxunub:1619
Ermənistan Milli Təhlükəsizlik Xidməti (MTX) vətəndaşlara xəbərdarlıq edərək onları qanuna riayət etməyə çağırıb. MTX-nin xalqa müraciətində qeyd olunur ki, hazırda Ermənistanda kütləvi iğtişaşların təşkili və keçirilməsi ilə bağlı real təhlükələr mövcuddur.
Evdə toyuq, çöldə… yenə toyuq! - FOTOLAR
"Ona görə də qurum mümkün təxribatlara uymamağa, yüksək vətəndaş məsuliyyəti nümayiş etdirməyə, cəmiyyətdə ictimai çıxışlarda və ya bəyanatlarda zorakılığa çağırışlardan, nifrət, düşmənçiliyin yayılmasından çəkinməyə çağırır. Bu, ölkənin daxili təhlükəsizliyinin pozulması və ya başqa cinayət əməllərinin törədilməsi üçün real ilkin şərtlər yarada bilər", - məlumatda deyilir.

Həmçinin bildirilir ki, MTX vəziyyətə tam nəzarət edir və dövlət təhlükəsizliyinə qarşı cinayətlərin qarşısının alınması və açılması üçün ardıcıl mübarizə aparacaq. Qurum cəmiyyətin geniş təbəqələrini qanuna tabe olan davranış nümayiş etdirməyə və şəxsi və ya siyasi motivlərdən irəli gələn təxribatçı çağırışlara uymamağa çağırır.

Qeyd edək ki, artıq bir həftəyə yaxındır ki, İrəvanda etiraz aksiyaları keçirilir. Mayın 1-də saat 16:00-da Fransa meydanında isə müxalifətin ən böyük mitinqi keçiriləcək.
Tural Tağıyev
AzVision.az



Teqlər:   Ermənistan  



Xəbər lenti


Azvision.az ©2014 | Bütün hüquqları qorunur