ABŞ Silahlı Qüvvələri Ukraynanı hansı halda müdafiə edəcək?

   ABŞ Silahlı Qüvvələri Ukraynanı hansı halda müdafiə edəcək?
  01 May 2022    Oxunub:332
ABŞ Konqresinin Nümayəndələr Palatasının üzvü Adam Kinzinger Rusiyanın kütləvi qırğın silahlarından istifadə edəcəyi halda Ukraynanı qorumaq üçün ABŞ hərbi qüvvələrinin istifadəsinə icazə verən qətnamə layihəsini konqresə təqdim edib.
Qətnamə Rusiyanın kimyəvi, bioloji və ya nüvə silahlarından istifadə etdiyi ssenarilərə cavab olaraq hərbi güc tətbiqinə icazə verilməsini nəzərdə tutur.

"Dövlət katibi Blinkenlə danışdıqdan və Putinin kimyəvi silahdan istifadə etməsi ilə bağlı onun ciddi narahatlığını dinlədikdən sonra mən əminəm ki, ABŞ beynəlxalq ictimaiyyətə göstərəcək ki, biz mənasız zorakılığa dözməyəcəyik.

İşçi heyətim və mən Rusiyanın istənilən beynəlxalq hüquq pozuntularına görə cavabdeh olmasını təmin etmək üçün Katib Blinkenlə görüşməyi səbirsizliklə gözləyirik.

Biz insanlığın müdafiəsinə qalxmalıyıq və müttəfiqlərimizlə bir yerdə olmalıyıq. ABŞ prezidentinin dediyi kimi, Putin dayandırılmalıdır.

Müvafiq olaraq, dünyanın ən böyük Silahlı Qüvvələrinin baş komandanı bunun üçün lazımi tədbirlər görmək səlahiyyətinə və vasitələrinə malik olmalıdır”, - deyə layihənin izahatında deyilir.

Şahanə Rəhimli
AzVision.az

Teqlər:







Xəbər lenti