"İsrail ABŞ-ı SEPAH zabitinin qətli ilə bağlı xəbərdar edibmiş" - New York Times

"İsrail ABŞ-ı SEPAH zabitinin qətli ilə bağlı xəbərdar edibmiş" - New York Times
  26 May 2022    Oxunub:1423
İsrail hakimiyyəti ABŞ-ı İran ordusunun yüksək rütbəli zabitinin öldürülməsi barədə xəbərdar edib. AzVision.az xəbər verir ki, bu barədə “New York Times” öz mənbələrinə istinadən məlumat yayıb.
SEPAH komandiri avtomobilində öldürüldü
Bildirilir ki, söhbət İran ordusunun məxfi diviziyasının komandir müavini vəzifəsində çalışmış və “dünyanın müxtəlif yerlərində müəyyən insanların öldürülməsi göstərişini vermiş” polkovnik Sayad Xodayaridən gedir.

Qəzet Xodayarinin ötən bazar günü Tehranda öldürüldüyünü xatırladıb . Bunun ardınca rəsmi Tehran insidentdə İsraili günahlandırıb və ölkənin Milli Təhlükəsizlik Şurası bu qətlə sərt cavab verəcəyini vəd edib.

Xodayari digər məsələlərlə yanaşı Yaxın Şərqdəki əməliyyatlara da cavabdeh şəxslərdən olub. Lakin onun fəaliyyət sahəsi bu bölgəylə məhdudlaşmayıb.

Amerika nəşri iddia edir ki, onun “hədəfləri arasında Avropa, ABŞ, Keniya, Efiopiya, Birləşmiş Ərəb Əmirliklərindən olan rəsmilər də olub”.

Xatırladaq ki, İslam İnqilabı Keşikçiləri Korpusunun zabiti mayın 22-də Tehran küçələrindən birində öldürülüb. Sui-qəsd zamanı o, avtomobili ilə evinə gedirmiş. Yayılan məlumata görə, Xodayari motosikletdə olan iki nəfər tərəfindən vurulub və cinayətkarlar SEPAH zabitinə 5 dəfə atəş açıblar.
SEPAH isə polkovnikin qətlini terror aktı kimi qiymətləndirib.

Tural Tağıyev
AzVision.az



Teqlər:   İsrail   ABŞ   İran   SEPAH   Qətl  





Xəbər lenti


Azvision.az ©2014 | Bütün hüquqları qorunur