Niyə siçanlar kişilərdən qorxur, qadınlardan yox? - ELMİ CAVAB

Niyə siçanlar kişilərdən qorxur, qadınlardan yox? - ELMİ CAVAB
  02 May 2014    Oxunub:14214
Siçanlar kişilərdən qorxur, qadınlardansa heç çəkinmirlər.
Siçan və siçovullar kişilərin əhatəsində çox böyük stress keçirirlər. Qadınların yanında isə əksinə, rahat olurlar, deyə The New York Times yazır.

Bu gəmiriciləri kişilərlə bir otağa salanda və ya onlara hansısa kişinin hətta bir dəfə geyindiyi köynəyi göstərəndə, orqanizmlərində kortikosteron hormonu sıçrayışı baş verir. Orqanizmdə stressin səviyyəsinə cavabdeh olan məhz bu hormondur.

Kortikosteron həm də analgetik təsirə malikdir, ona görə də təcrübə zamanı ağrı tətbiq olunan siçanlar və siçovullar dözüm nümayiş etdiriblər.

Analoji təcrübə qadınların iştirakı ilə də aparılıb. Lakin zərif cinsin nümayəndələrinin əhatəsində gəmiricilər özlərini tam rahat hiss ediblər.

Qeyd edək ki, araşdırmaların müəllifi Makqil Universitetinin psixoloqu Cefri Mocildir. Hazırda araşdırmalarını davam etdirən Mocil, ilkin versiya kimi siçanların qadın və kişilərə fərqli reaksiyasını insanların bədənlərinin xüsusi qoxusu ilə əlaqələndirir.

Səbinə


Teqlər:  





Xəbər lenti