Azərbaycan Universitetinin İctimaiyyətlə əlaqələr şöbəsinin müdiri Lalə Bilalova AzVision.az -a bildirib ki, 2021-ci ilin fevral ayında Elnur universitetdən xaric olunma barədə ərizə verib: “Əgər tələbə belə ərizə ilə müraciət edirsə, Universitet qəbul etməlidir. Elnur təhsilini dondurmamışdı, xaric olunma barədə ərizə vermişdi. Lakin hər iki halda tələbə ərizə yazıb, yenidən universitetə bərpa oluna bilərdi. Onun oxuduğu ixtisasın illik təhsil haqqısı 2 min manat idi və Elnur oxuduğu dövrdə ödənişlərini edib”.
Şəhidin əmisi Zaur Məhərrəmov bildirib ki, Elnur təhsil haqqını ödəyə bilmədiyi üçün tədrisini yarımçıq qoyub: “Elnur oxumaq istəyirdi, müəllim yanına hazırlığa getdi, qəbul oldu. Təhsili ödənişli idi və müəyyən müddət oxumağı üçün köməklik edildi. Ailəsi kasıb olduğu üçün təhsil haqqını davamlı ödəyə bilmədi. Ona görə təhsilini yarımçıq qoyub, ordu sıralarına yazıldı. Əsgərliyini bitirəndən sonra Orduda qalıb xidmətini davam etdirmək istəyirdi. Bu barədə mənə də demişdi. Özüm hərbçiyəm, təzə təxris olunmuşam. Mən də dedim ki, lap yaxşı qal işlə. Vətənpərvər insan idi. Bu yolu özü könüllü seçmişdi, heç kim məcbur etməmişdi”.
Aytən Zəhra
AzVision.az
Təhsili Vətənə dəyişən şəhidimiz
16 Sentyabr 2022
Oxunub:1786
Ermənistan silahlı qüvvələrinin törətdiyi təxribatların qarşısını alarkən şəhid olan Elnur Nərbala oğlu Məhərrəmov 2018-2021-ci illərdə Azərbaycan Universitetinin Biznes və iqtisadiyyat fakültəsinin tələbəsi olub. Ödənişli əsaslarla oxuyan Elnur III kursun yarısında təhsilini dondurub və hərbi xidmətə yollanıb. Onun təhsil haqqını ödəyə bilmədiyi üçün bu addımı atdığı qeyd edilir.
Teqlər: Şəhidlər
Vaxtında, Aydın, Lazımlı!
-1748114398.jpg&h=190&w=280&zc=1&q=100)
