Zorla ərə verilən məktəbli: “Hər gecə ağlayırdım“ - VİDEO

      Zorla ərə verilən məktəbli:    “Hər gecə ağlayırdım“ -   VİDEO
  02 Oktyabr 2022    Oxunub:2007
Bakıda 17 yaşlı məktəbli qızın zorla ərə verilməsinin qarşısı alınıb.
AzVision.az xəbər verir ki, Bakıda anasının himayəsində yaşayan Gülnar (ad şərtidir - red.) 2 il nişanlı qalıb. Oktyabrın 8-də onun toyu olacaqmış. Gülnar erkən yaşda ailə qurmaq istəmədyini əvvəl anasına, sonra nişanlısına deyib. O, təhsilini davam etdirmək, ali təhsilli müəllimə olmaq istədiyini dilə gətirib. Nişanlısı buna qətiyyən imkan verməyəcəyini deyib, hətta Gülnarı təhdid edib.

Toy günü yaxınlaşdıqca nə edəcəyini, necə edəcəyəni düşünən Gülnar polisə zəng edərərk azyaşlı olduğunu və zorla ərə verilmək üzrə olduğunu bildirib. Anası ilə birgə ifadə verdikdən sonra nişanlısının təhdidlərindən qorxduğu üçün sığınacağa pənah gətirib. 3 gündür burada olduğunu, özünü güvəndə hiss etdiyini deyən Gülnarın bir arzusu var: yarıda qoyduğu orta məktəbi bitirib, ali təhsil almaq.

"Sığınacağa gələn yeniyetmə qızların arzuları bir-birinə bənzəyir",- deyən Azərbaycan Uşaqlar Birliyinin sədri Kəmalə Ağazadənin sözlərinə görə, son bir həftədə erkən nikaha məcbur edilən qızların sayı dörd olub.

Gülnarın üz-üzə qaldığı fakta gəlincə, bununla bağlı daxil olan müraciətə dair müvafiq araşdırma aparılıb.

Ailə, Qadın və Uşaq Problemləri üzrə Dövlət Komitəsindən "Xəzər Xəbər"ə bildirilib ki, yetkinlik yaşına çatmayan şəxsi evliliyə cəlb etdiklərinə görə valideynə xəbərdarlıq edilib, həmçinin valideynlik məsuliyyəti izah olunub.

Məsələ müvafiq qurumlarla birgə nəzarətdə saxlanır. Belə şəxslər Cinayət Məcəlləsinin "Nikah yaşına çatmayan şəxsi, nikaha daxil olmağa məcbur etmə" maddəsi üzrə 3 min manatdan 4 min manatadək miqdarında cərimə və ya 4 ilədək müddətə azadlıqdan məhrumetmə ilə cəzalandırılırlar.


AzVision.az



Teqlər:





Xəbər lenti