Azercell ən yaxın zamanda 5G şəbəkəsinin istifadəsinə hazırlaşır

Azercell ən yaxın zamanda 5G şəbəkəsinin istifadəsinə hazırlaşır
  07 Oktyabr 2022    Oxunub:852
Azercell şirkəti özünün “Bağlantını asanlaşdırır, həyatı daha dolğun edirik!” strateji məqsədinin vacib hissəsi olaraq 5G şəbəkəsinin istifadəyə verilməsi məqsədilə 29 sentyabr 2022-ci il tarixində daxili sınaq prosesini uğurla başa çatdırıb.
Simsiz rabitə texnologiyasının beşinci nəsli abunəçilər, müəssisələr, qurğu və maşınlar arasında bağlantını genişləndirməyə imkan verən tam yeni səviyyəli şəbəkəni dəstəkləyir. Simsiz 5G texnologiyası daha yüksək Gb/s-li yükləmə sürəti, ultra-aşağı səviyyədə gözləmə, daha yüksək davamlılıq, geniş şəbəkə tutumunu və daha mütərəqqi istifadəçi təcrübəsini təmin edir.
“FarmHer” layihəsi qadınların inkişafına töhfə verir

5G şəbəkəsinin quraşdırılması Əşyaların İnterneti (IoT) texnologiyasının potensialını yüksəldərək daha az gözləmə müddətli daha yüksək bağlantıya şərait yaradacaq. 5G xidmətinin tətbiqi və genişləndirilməsi müəssisələr üçün texnoloji həll istiqamətlərini əsaslı şəkildə yüksəldəcək və ucdan-uca istifadəçi təcrübəsi üçün yeni üfüqlər açacaqdır.

Digər texniki hazırlıqlar da tamamlandıqdan sonra Azercell şirkəti 5G xidmətlərinin göstərilməsinə razılıq alınması üçün müvafiq qurumlara müraciət etməyi planlaşdırır.



Teqlər: Azercell  





Xəbər lenti


Azvision.az ©2014 | Bütün hüquqları qorunur