Təbib-dən AzVision.az ın sorğusuna cavab olaraq bildirilib ki, 2004-cü il təvəllüdlü Z.Ə. 28.09.2022-ci il tarixində saat 07:19 radələrində Tovuz Rayon Mərkəzi Xəstəxanasının Mamalıq və Ginekologiya şöbəsinə yerləşdirilib. 40 həftəlik hamiləlik, doğuşun birinci dövrü diaqnozu ilə yerləşdirilən pasiyentin saat 09:58 radələrində doğuşu baş tutub və cinsi kişi olan 3 700 çəkidə olan diri uşaq dünyaya gəlib.
29.09.2022-ci il 02:00 radələrində xəstədə kəskin ağciyər və ürək çatışmazlığı baş verib. Həkimlərin səyi nəticəsində pasiyentin vəziyyəti stabilləşib. Həmin gün xəstə Anesteziologiya və reanimasiya şöbəsinə köçürülüb. 30.09.2022-ci il tarixində xəstənin vəziyyəti yenidən pisləşib, kliniki ölüm keçirib və süni tənəffüs aparatına qoşulub. Həkimlərin səyi nəticəsində pasiyentin ürək fəaliyyəti bərpa olunub, vəziyyəti stabilləşib.
01.10.2022-ci il tarixində pasiyent Bakı şəhərində yerləşən tibb müəssisəsinə təxliyyə edilib. 08.10.2022-ci il tarixində xəstə kafi vəziyyətdə xəstəxanadan evə buraxılıb.
17.10.2022-ci il tarixində yenidən Tovuz Rayon Mərkəzi Xəstəxanasına müraciət edən pasiyentdə ürək və ağciyər çatışmazlığı müşahidə edilib. Göstərilən bütün tibbi xidmətlərə baxmayaraq Reanimasiya şöbəsinə yerləşdirilən pasiyentin həyatını xilas etmək mümkün olmayıb.
Hazırda bununla bağlı müvafiq orqanlar tərəfindən araşdırma aparılır.
Aytən Zəhra
AzVision.az
Tovuzda gənc ananın ölüm səbəbi açıqlandı
18 Oktyabr 2022
Oxunub:949
Tovuzda ana ölümü qeydə alınıb.
Teqlər:
Vaxtında, Aydın, Lazımlı!
