Bunu AzVision.az -a açıqlamasında Ümumdünya Təbiəti Mühafizə Fondunun (WWF) Azərbaycan Nümayəndəliyinin direktoru Elşad Əsgərov deyib. O bildirib ki, bəbiri müşahidə etmək üçün Kəlbəcərdə artıq iki kamera quraşdırılıb:
“Kameraları yay aylarında quraşdırmışıq. Bu yaxınlarda onların çəkilişlərini götürmək üçün gedəcəyik. Eyni zamanda ərazidə yeni kameralar da quraşdırılacaq. Bu kameralar bəbiri müşahidə etmək üçün nəzərdə tutulsa da, ora düşən digər vəhşi heyvanlar da tədqiq edilir”.
E.Əsgərov qeyd edib ki, Qarabağın uzun illər insan ayağı dəyməyən yerlərində vəhşi heyvanların sayı çoxalıb:
“Kəlbəcərdə olarkən hər addımbgaşı ayı pəncəsinin izlərini müşahidə edirdim. Eyni zamanda orada bəbir görülüb. Bundan əlavə, vaşaq, canavar, çaqqal, qaya keçisi, dağ keçiləri də var. Maralların kökü kəsilib ki, onu da layihə çərçivəsində artıracayıq. Eyni zamanda dağ keçilərinin sayının da müəyyən ərazilərdə artırılması nəzərdə tutulur”.
Aytən Zəhra
AzVision.az
Qarabağda vəhşi heyvanları öyrənmək üçün kameralar quraşdırılır
26 Oktyabr 2022
Oxunub:989
“Qarabağda vəhşi heyvanların tədqiqatı təzə başlayıb. Hərbçilərimizin Kəlbəcərdə bəbiri çəkməsindən sonra alimlərimiz ora gedib”.
Teqlər:
Vaxtında, Aydın, Lazımlı!
