Daxili İşlər Nazirliyinin (DİN) Mətbuat Xidmətindən AzVision.az - a verilən məlumata görə, Əmək və Əhalinin Sosial Müdafiəsi Nazirliyinin rəsmi “Facebook” səhifəsində paylaşılan məlumatların şərh bölməsinə müraciəti daxil olan vətəndaşlarla sonradan əlaqə yaradaraq özünü qeyd edilən qurumun əməkdaşı kimi təqdim edən naməlum şəxsin insanlara qarşı dələduzluq etdiyi barədə müraciət daxil olub.
Nazirliyin Baş Mütəşəkkil Cinayətkarlıqla Mübarizə İdarəsinin (BMCMİ) əməkdaşları tərəfindən əməli törətməkdə şübhəli bilinən paytaxt sakini, əvvəllər məhkum olunmuş Vüqar Əhmədov saxlanılıb.
Müəyyən edilib ki, Vüqar Əhmədov “Facebook”da “Həsən Ağayev” və digər saxta profillər yaradaq orada qeyd edilən dövlət qurumunun əməkdaşı olduğu barədə informasiyalar yerləşdirib. Daha sonra ƏƏSMN-in rəsmi səhifəsinin şərh bölməsinə yazan vətəndaşlarla əlaqə yaradaraq onların müraciətlərini qısa zamanda həll edəcəyi barədə yalan vədlər verib. Vüqar Əhmədov bunun müqabilində zərərçəkənlərdən onun kartına müxtəlif məbləğlərdə maddi vəsasitin köçürülməsini tələb edib. Həmin vəsaitləri əldə edəndən sonra isə zərərçəkənlərin onunla bir daha əlaqə yaratmaması üçün mobil telefonlarını və sosial şəbəkə hesablarını bloklayıb.
Faktla bağlı dələduzluq ittihamı ilə cinayət işi başlanılıb. Vüqar Əhmədov barəsində həbs qətimkan tədbiri seçilib. Şəxsin qanunsuz əməllərindən zərərçəkən digər vətəndaşlar varsa, BMCMİ-ə müraciət edə bilərlər.
AzVision.az
"Nazirliyin əməkdaşı" saxta profillə vətəndaşları aldatdı - VİDEO
02 Noyabr 2022
Oxunub:656
Özünü sosial şəbəkələrdə Əmək və Əhalinin Sosial Müdafiəsi Nazirliyinin əməkdaşı kimi təqdim edərək vətəndaşlara qarşı dələduzluq edən şəxs saxlanılıb.
Teqlər:
Vaxtında, Aydın, Lazımlı!
-1747846065.jpg&h=190&w=280&zc=1&q=100)
-1747836688.jpg&h=190&w=280&zc=1&q=100)
