Moped idarə etmək üçün sürücülük vəsiqəsi tələb olunacaq

   Moped idarə etmək üçün sürücülük vəsiqəsi tələb olunacaq
  29 Noyabr 2022    Oxunub:733
Azərbaycanda moped idarə etmək üçün sürücülük vəsiqəsi tələb olunacaq.
AzVision.az -ın xəbərinə görə, bu Milli Məclisin bu gün keçirilən iclasında müzakirəyə çıxarılan “Yol hərəkəti haqqında” qanuna təklif edilən dəyişiklikdə əksini tapıb.

Qanun layihəsinə əsasən, dəyişikliyə görə konstruktiv maksimal sürəti 50 km/saatdan artıq olan bütün nəqliyyat vasitələrinin dövlət qeydiyyat nişanı ilə təmin edilməsi və sürəti 50 km/saatdan çox olan mopedçilərin sürücülük vəsiqəsi alması təklif edilir. Hazırda moped sürücülərinin sayının minlərlə olduğunu nəzərə alaraq, qanunun 6 ay sonra qüvvəyə minməsi təklif edilir.

Qeyd edək ki, Baş Dövlət Yol Polisi idarəsinin məlumatına əsasən, bu prosesin asan və şəffaf keçirilməsi üçün xüsusi komissiya yaradılıb, mopedçilər üçün sürücülük vəsiqəsi (A1) imtahanlarının məzmunu sadələşdirilib. Qanun layihəsi səsə qoyularaq birinci oxunuşda qəbul edilib.

AzVision.az


Teqlər:





Xəbər lenti