Bunu AzVision.az -a açıqlamasında Azərbaycan Könüllü Həkimlər Assosiasiyasının həkim kardioloqu Aytəkin Haşımova deyib. O bildirib ki, gecə saatlarında hava kəskin soyuduğu üçün iştirakçılar adətən qrip əlamətləri ilə müraciət edirlər.
"Əsasən şikayətlər yuxarı tənəffüs yollarında olan qıcıqlanmalar, boğazağrısı ilə bağlıdır. Eyni zamanda burada durmadan ciddi şüarlar səsləndirirlər. Bu da boğazda qıcıq yaradır. Gecə saatlarında yüksək təzyiqlə bağlı şikayətlər də olur ki, bu da dağlıq ərazidə olmağımızla əlqədardır".
A.Haşımova qeyd edib ki, özləri ilə ən çox ehtiyac duyulan dərman vasitələrini gətiriblər:
"Azərbaycan Könüllü Həkimlər Assosasiyasının həkimləri 44 günlük Vətən müharibəsi zamanı da bir yerdə işləyib. Bu baxımdan təcrübəliyik. Bura iştirakçılara dəstək olmaq və lazımi tibbi yardım göstərmək üçün gəlmişik. Hələlik təxliyəyə ehtiyac olmayıb. Sipmotmatik şikayətlər olub və əlimizdəki dərman vasitələri ilə vəziyyəti nəzarətdə saxlayırıq".
Aytən Zəhra
AzVision.az
Aksiyaçıların səhhəti necədir? - Həkimdən açıqlama
14 Dekabr 2022
Oxunub:763
Rusiya sülhməramlılarının müvəqqəti nəzarətində olan Şuşa-Xankəndi yolunda keçirilən etiraz aksiyasının iştirakçılarına lazımi olan bütün tibbi yardımlar edilir.
Teqlər:
Vaxtında, Aydın, Lazımlı!
