Gürcüstan müsəlmanlarının dini liderləri səfirliyə hücumu hiddətlə pisləyib

Gürcüstan müsəlmanlarının dini liderləri səfirliyə hücumu hiddətlə pisləyib
  28 Yanvar 2023    Oxunub:875
Gürcüstandakı müsəlmanların dini liderləri Azərbaycan Respublikasının İran İslam Respublikasındakı səfirliyinə qarşı törədilmiş terror aktını qətiyyətlə qınayıblar.
Diasporla İş üzrə Dövlət Komitəsindən AzVision.az -a bildirilib ki, bu barədə Bütün Gürcüstan Müsəlmanları İdarəsinin adından yayılmış bəyanatda bildirilib. “Hadisə zamanı şəhid olan təhlükəsizlik xidməti əməkdaşına Allahdan rəhmət diləyirik! Şəhid zabitin ailəsinə və yaxınlarına başsağlığı veririk. Terror hücumunu törədən və ya törədənlər tez zamanda məsuliyyətə cəlb olunaraq ən sərt şəkildə cəzalandırılmalıdır”, - deyə bəyanatda qeyd olunub.

Ümumi Gürcüstan Müsəlmanları Ali Dini İdarəsinin rəhbəri Seyid Mirtaği Əsədov və Gürcüstan İslam Araşdırmalar Mərkəzinin rəhbəri Fariz Rəcəbov Azərbaycan Respublikasının Tehrandakı səfirliyinə qarşı edilmiş terror hadisəsini kəskin şəkildə qınayaraq səbəbkarların cəzalanmasını tələb edib, şəhid olmuş səfirlik əməkdaşına Allahdan rəhmət diləyiblər.

AzVision.az



Teqlər:





Xəbər lenti