Ali Məhkəmənin hakimi: "Məişət zorakılığında barışıq sonda daha ağır cinayətlərə səbəb olur"

      Ali Məhkəmənin hakimi:    "Məişət zorakılığında barışıq sonda daha ağır cinayətlərə səbəb olur"
  06 Dekabr 2023    Oxunub:620
Bu gün təəssüflər olsun ki, məişət zorakılığı ilə bağlı cinayət işlərinin çoxu sonda barışıqla bitir. Aparılan ümumiləşdirilmiş statistika nəticəsində müəyyən edilib ki, məişət zorakılığına görə təqsiriləndirilən 421 nəfər barəsində cinayət işinə xitam verilib və həkin şəxslər azad edilib.
AzVision.az xəbər verir ki, bunu Ali Məhkəmənin Cinayət Kollegiyasının hakimi Ələsgər Novruzov "Məişət zorakılığının qarşısının alınması: imkanlar və perspektivlər" mövzusunda beynəlxalq konfransda deyib. O qeyd edib ki, məhkəmə praktikasında məhz belə barışıq hallarından sonra ağır cinayət hadisələrinin olması müşahidə edilir.

"Analiz edəndə müəyyən edirik ki, bunun səbəbləri mentalitetdən irəli gələn məsələlərdir. Ailənin əsas gəlir gətirəni, başçısı kişi olur. Kişinin maddi cəhətdən üstünlüyü sonra psixi üstünlüyə, fiziki üstünlüy, sonda zorakılığa səbəb olur. Belə hallarda bağışlanmanın əsas səbəbi kimi kişinin ailənin qazanc gətirən əsas şəxs kimi təqdim edilməsi olur. Kişinin azadlıqdan məhrum edilməsi ailənin dolanışığına mənfi təsir göstərir. Belə hallarda məhkəmələr də çətin vəziyyətdə qalır və çətin şəraitdə qərarlar qəbul etməli olur".

Aytən Zəhra
AzVision.az


Teqlər:





Xəbər lenti