Daxili İşlər Nazirliyinin Mətbuat Xidmətindən AzVision.az -a verilən xəbərə görə, Əlahiddə Çevik Polis Alayında (ƏÇPA) antiterror tədbirləri zamanı şəhidlik zirvəsinə ucalmış polis əməkdaşlarının xatirəsinə həsr olunmuş cüdo üzrə idman turniri keçirilib.
Polis əməkdaşları arasında keçirilən tədbirdə şəhidlərin ailə üzvləri, onların valideynləri, övladları, DİN-in İdman Cəmiyyətinin, Azərbaycan Cüdo Federasiyasının nümayəndləri və digər qonaqlar iştirak ediblər. Yarışdan əvvəl ümummilli lider Heydər Əliyev və Azərbaycanın ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib, Dövlət himni səsləndirilib. Çıxış edən şəhid ailələrinin nümayəndələri, eləcə də polis əməkdaşları Azərbaycanın ərazi bütövlüyü uğrunda canlarını fəda etmiş şəxslərin əziz xatirələrinin həmişə uca tutulduğunu və onların dövlətin ali rəhbərliyinin qayğısı ilə əhatə olunduqlarını vurğulayıblar.
Daha sonra yarışlara start verilib. Qalib idmançılar medal və fəxri fərmanlarla təltif ediliblər.
AzVision.az
Şəhid olan polis əməkdaşlarının xatirəsinə cüdo yarışı keçirilib
27 Dekabr 2023
Oxunub:1440
Antiterror tədbirləri nəticəsində şəhid olan polis əməkdaşlarının xatirəsinə cüdo yarışı təşkil olunub.
Teqlər:
Vaxtında, Aydın, Lazımlı!
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
