Pasportlar ləğv edildi

Pasportlar ləğv edildi
  23 İyun 2014    Oxunub:844
Avstraliya xarici işlər naziri Culiya Bişop, İraq və Suriyadakı qarşıdurmalara qatılan avstraliyalıların pasportlarının ləğv olunduğunu açıqlayıb.
AzVision.az Qərb mətbuatına istinadən xəbər verir ki, Bişop 150-yə yaxın avstraliyanın müharibədə iştirakını ölkəsi üçün xoşagəlməz hal kimi qiymətləndirib.

O, vurğulayıb ki, avstraliyalıların müharibədə iştirak etməsi bizi narahat etmir: ` Amma vətəndaşlarımız bu müharibədə liderlik rolunu boyunlarına götürür və terrorist kimi yetişir. Və onların terrorist kimi Avstraliyaya qayıtması Vətən üçün faydalı ola bilməz`.

İraq və Suriyada döyüşə qatılan avstraliyalıların Livan üzərindən bu ölkələrə getdiklərini deyən Bişop, Malayziya, Cənub-Şərqi Asiya ölkələri, Avropa və ABŞ ilə bu məsələni tez-tez müzakirə etdiklərini dilə gətirib.

Qeyd edək ki, Suriya və İraqda vuruşan əsgərlərin videosu yayımlanıb. Videodakı əsgərlərin avstraliya ləhcəsində danışması ölkəni təcili tədbirlər görməyə vadar edib.

AzVision.az




Teqlər:  





Xəbər lenti