AzVision.az xəbər verir ki, bu fikirləri Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov “Brussels Signal”a açıqlamasında deyib. “Biz artıq Aİ-yə üzv ölkələrdən olan müxtəlif səfirlərin, digər rəsmilərin, bəzi Aİ-yə üzv ölkələrdən olan hətta yüksək rütbəli hərbçilərin sərhədin bu hissəsinə müntəzəm səfərlərini görürük, burada onlar şəkillər çəkirlər, Azərbaycan tərəfinə durbinlə baxırlar, bunu hansısa bəyanatlarla müşayiət edirlər.
Beləliklə, bu, yəqin ki, bu Aİ missiyasının iştirakı ilə atəşkəsi poza biləcəklərini düşünən Ermənistan tərəfinə müəyyən mənada cəsarət qazandıran və bu faciəli nəticələrə səbəb olan amildir. Biz isə hesab edirik ki, qarşı tərəf bunun əvəzinə sülh axtarışına yenidən səmimiyyətlə qoşulmalıdır. Qeyd etməliyəm ki, təəssüf ki, Ermənistan hökumətinin Baş nazir, xarici işlər naziri və digər rəsmi şəxslər səviyyəsində edilən rəsmi bəyanatları ilə Ermənistan tərəfinin hazırki həqiqi hərəkətləri arasında böyük uyğunsuzluq var ”,-deyə, o bildirib.
Onun sözlərinə görə, missiya əslində Ermənistanla Azərbaycan arasında etimad səviyyəsini artırmaq üçün aydın mandat əsasında formalaşıb:
“Bu gün aydın olan budur ki,
missiya özünün mənasız “binokl diplomatiyası”nı yürüdərək qıcıq mənbəyinə çevrilib və nəticə etibarılə məqsədinin əksinə doğru fəaliyyət göstərir. Fərz etmək olar kı, erməni əsgərlərini atəş açmağa təşviq edə biləcək amillərdən biri də missiyanın onlara bir növ verdiyi arxayınlıq olmuşdur ”.
İlkin Nəcəfzadə
AzVision.az
Vaxtında, Aydın, Lazımlı!
-1728456030.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
