Gürcüstandan ehtiyat hissələrinin qanunsuz gətirilməsinin qarşısı alınıb

Gürcüstandan ehtiyat hissələrinin qanunsuz gətirilməsinin qarşısı alınıb
  08 May 2024    Oxunub:764
Gürcüstan istiqamətindən Tovuz Gömrük İdarəsinin "Qırmızı Körpü" gömrük postuna daxil olan, ilkin qeydiyyat mərhələsini keçdikdən sonra təyinat gömrük orqanına göndərilən nəqliyyat vasitəsinin "GPS" qurğusunun hərəkətinə əsasən marşrutdan çıxdığı müəyyən edilib.
Dövlət Gömrük Komitəsindəm (DGK) AzVision.az -a bildirilib ki, gömrük əməkdaşları tərəfindən keçirilən operativ tədbirlərlə nəqliyyat vasitəsinin yeri müəyyən edilərək saxlanılıb.

İlkin araşdırmada məlum olub ki, faktiki sahibi tərəfindən nəqliyyat vasitəsinin yük yerinin qapısına "Qırmızı Körpü" gömrük postunda vurulmuş gömrük təminat vasitəsi plomb və "GPS" qurğusu onların tamlığı pozulmadan yük yerinin qapısındakı dayaqlar (vintlər) sökülməklə ayrılıb. Təyinat gömrük orqanında alınan gömrük ödənişlərindən yayınmaq məqsədilə mal-müşayiət sənədlərində qeyd olunmayan, əksəriyyəti istehsal ili yeni və "Land Rover" markasına aid 70 adda ehtiyat hissələri boşaldılıb, onların yerinə isə yararsız vəziyyətdə, istehsal ili köhnə ehtiyat hissələri və nəqliyyat vasitəsinin gömrük ərazisinə daxil olarkən yüklə birgə qeydə alınmış ilkin çəkisini nizamlamaq üçün qum yüklənib.

Dövlət Gömrük Komitəsinin Əməliyyat-İstintaq Baş İdarəsində fakt üzrə qeyd olunan şəxslərin əvvəllər də oxşar əməllərə yol verib-verməmələri, qanunazidd əməllərin tam aşkara çıxarılması və təqsirkar şəxslərin məsuliyyətə cəlb edilməsi istiqamətində araşdırmalar davam etdirilir.

AzVision.az

Qalereya




Teqlər: gömrük  





Xəbər lenti