Makronun Durova nə təklif etdiyi məlum olub
![Makronun Durova nə təklif etdiyi məlum olub Makronun Durova nə təklif etdiyi məlum olub](https://azvision.az/photos/2024/08/MAKK-1724830336.jpg)
Qəzet bildirir ki, bu təklif əvvəllər haqqında məlumat verilməyən nahar zamanı olub və onda Durov bundan imtina edib. Qəzetin həmsöhbətlərindən biri Makronun hətta “Telegram”ın təsisçisinə Fransa vətəndaşlığının verilməsi məsələsini də müzakirə etdiyini açıqlayıb.
Vəziyyətlə tanış olan insanların dediyinə görə, Makronla görüşdən bir il əvvəl, 2017-ci ildə fransız casuslarının Birləşmiş Ərəb Əmirlikləri (BƏƏ) ilə “Bənövşəyi musiqi” adlı birgə əməliyyatda Durova hücumu zamanı onun “iPhone”-unu sındırıblar. Çünki Fransanın təhlükəsizlik orqanları İslam Dövləti üzvlərinin yaraqlıları cəlb etmək və hücumlar planlaşdırmaq üçün “Telegram”dan istifadə olunmasından son dərəcə narahat idilər.
Yeri gəlmişkən, Yelisey sarayındakı mənbəyə istinad edən “Le Canard Chainé” qəzetinin yazdığına görə, “Telegram” messencerinin qurucusu Pavel Durov polisə bildirib ki, həbs olunduğu gün prezident Emmanuel Makronla nahar etməli imiş. Lakin həmin axşam Le-Tukedə olduğunu bildirən Yelisey sarayı “Telegram” messesncerinin yaradıcısının iddiasını təkzib edib.
Sahil İsgəndərov
AzVision.az