Kəlbəcərdə ikinci yaşayış kompleksinin təməli qoyuldu - Yenilənib
![Kəlbəcərdə ikinci yaşayış kompleksinin təməli qoyuldu - Yenilənib Kəlbəcərdə ikinci yaşayış kompleksinin təməli qoyuldu - Yenilənib](https://azvision.az/photos/2024/09/f93d86082d5a3cdfd3ca73b7b2a5be72_7003370-1725264382.jpg)
Bildirildi ki, kompleks 1,76 hektar ərazidə layihələndirilib. Kəlbəcər şəhərində salınacaq ikinci yaşayış kompleksi şəhərin Baş planına əsasən çoxfunksiyalı zonada yerləşir.
Kompleksdə 3 və 5 mərtəbəli 8 yaşayış binasının inşası nəzərdə tutulur. Mənzillərin 56-sı ikiotaqlı, 56-sı üçotaqlı, 48-i isə dördotaqlı olacaq. Burada ümumilikdə 160 ailənin yaşaması planlaşdırılır.
Qeyd olundu ki, bu yaşayış kompleksində əhalinin məşğulluğunun və istirahətinin təmin edilməsi üçün hər cür şərait yaradılacaq, geniş abadlıq və yaşıllaşdırma işləri görüləcək. Burada evlərin və küçələrin işıqlandırılmasında “yaşıl enerji”dən istifadə olunacaq.
***
Prezident İlham Əliyev yaşayış kompleksinin təməlini qoydu. AzVision.az -ın məlumatına görə, bu barədə Prezidentin Mətbuat Xidməti məlumat yayıb.
AzVision.az
Teqlər: