AzVision.az xəbər verir ki, şirkətin “Bloomberg” nəşri ilə əlaqələri olan mənbələr amerikalı milyarder İlon Maska məxsus “Tesla”nın robotaksinin təqdimatını bu il oktyabrın 10-da Kaliforniya ştatının Berbank şəhərində yerləşən “Warner Bros” studiyasında keçirəcəyini bildiriblər. Pavilyonları 44,5 hektarlıq ərazidə yerləşən bu kinostudiyada bir çox pərəstiş olunan filmlər və teleseriallar - “Betmen” filmindən tutmuş “Dostlar” sitkomuna (situativ komediya janrı) qədər çəkilib.
Nəşrin həmsöhbətlərinin dediyinə görə, “Tesla”nın baş ofisi Texasda yerləşsə də, şirkətin hələ də Kaliforniyada dizayn ofisi var. Yeri gəlmişkən, “Tesla” öz məhsullarını film sənayesi ilə əlaqəli yerlərdə ilk dəfə nümayiş etdirmir. Belə ki, 2016-cı ildə şirkət Hollivud studiyasında günəş batareyası olan ev üçün dam örtüyünü təqdim edib.
“Tesla” əvvəlcə robotlaşdırılmış taksini avqustun 8-də təqdim etməyi planlaşdırırdı. Lakin sonradan təqdimat tarixi geri çəkildi. Şirkətdəki mənbə bildirib ki, buna səbəb korporasiyanın rəhbəri İlon Maskın avtomobilin dizaynında dəyişiklik aparmağı tələb etməsi olub. Şirkətdə bu məlumatı jurnalistlərə şərh etmək istəməyiblər.
Qeyd edək ki, avqust ayında “Tesla” korporasiyası Meksikada ən sərfəli “Model 3” avtomobilinin qiymətlərini aşağı salıb. Elektromobil ABŞ bazarında satılan avtomobildən daha sadə avadanlıqlara malik olması ilə fərqlənir.
Sahil İsgəndərov
AzVision.az
“Tesla” Hollivudda robotaksi təqdim edəcək
04 Sentyabr 2024
Oxunub:1382
Amerikanın “Tesla” korporasiyası Hollivudda robotlaşdırılmış taksinin anonsunu verməyə hazırlaşır.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
