"The New York Times" qəzeti Donald Trampın mitinqlərinin, müsahibələrinin və sosial şəbəkədəki yazılarının təhlilini aparaq belə nəticəyə gəlib. Qəzet yazır ki, 2015-ci ildə ilk dəfə prezidentliyə namizədliyini irəli sürdüyü vaxtlar çıxışları "daha ciddi, sərt, uzun-uzadı və qəzəbli" idi. Onda bir mitinq çıxışı təqribən 80 dəqiqə çəkirdisə, 2016-cı ildən başlayaraq bu müddət yarıyacan azalıb.

Trampın həmçinin son vaxtlar siyasi kariyerasının ilk illərinə nisbətən 69% daha çox söyüş dilə gətirdiyi müəyyənləşib. Mütəxəssislər vurğulayırlar ki, bu məqam da zehni cəhətdən qocalmanın əlamətidir.

Digər maraqlı fakt isə budur ki, ABŞ-nin hazırkı prezidenti Co Baydenin seçki yarışından çəkilməsi nəticəsində 78 yaşlı rəqibi Donald Tramp dövlət başçılığı üçün ən yaşlı namizəd olub. O, noyabrda qalib gələrsə, həm də ABŞ-nin ən qoca prezident kimi tarixə düşəcək.

Firudin Həmidli
AzVision.az