Bu barədə “Kan” telekanalı məlumat yayıb.

Qeyd edilib ki, İrana qarşı əməliyyatların gedişi ilə bağlı tam razılıq əldə olunub. Məqalədə oda vurğulanıb ki, rəsmilər digər məsələlərlə yanaşı, cavab zərbəsinin gücü də nəzərdən keçirilib: “Lakin əməliyyat hələ də Nazirlər Kabinetinin yekun təsdiqini tələb edir”.

Netanyahu: "İranın hərbi obyektlərini vuracağıq"

Bundan öncə "The Washington Post" Benyamin Netanyahu və ABŞ Prezidenti Cozef Bayden arasında baş tutmuş telefon danışığı barədə məqalə dərc edib. ABŞ-nin adları açıqlanmayan hökumət nümayəndələri qəzetə açıqlamada bildiriblər ki, Netanyahu danışıq əsnasında Baydenə "İranda yalnız hərbi obyektlərə zərbə endirəcəklərini" söyləyib.

Oktyabrın 1-də İran tarixdə ikinci dəfə olaraq ballistik raketlərlə İsrailə hücum etdi. Ümumilikdə 180-ə yaxın raket atılıb. İsrail ordusu raketlərin əksəriyyətini havada zərərsizləşdirməyə nail olunub. İranın hücumunun səbəbi Təl-Əvivin Fələstinin "HƏMAS" və Livanın "Hizbullah" hərəkatlarına qarşı apardığı əməliyyatlar olub.

Oktyabrın 9-da İsrailin müdafiə naziri Yoav Qalant ölkəsinin İrana qəfil hücuma hazırlaşdığını bəyan etsə də, bu reallaşmayıb. O, cavab atəşinin "son dərəcə dəqiq" və dağıdıcı olacağına söz verib.

Tural Tağıyev
AzVision.az