Bitkoinin qiyməti 100 min dollara yaxınlaşır

Bitkoinin qiyməti 100 min dollara yaxınlaşır
  22 Noyabr 2024    Oxunub:1018
Dünyanın ən yüksək bazar dəyəri olan kriptovalyutası “Bitkoin”in qiyməti bütün zamanların ən yüksək həddinə çatıb.
AzVision.az “Binance” platformasına istinadla xəbər verir ki, bitkoinin qiyməti 99 min 136 dollara çatıb.

Mütəxəssislərin fikrincə, bitkoin yaxın günlərdə asanlıqla 100 min dollara çata və artımını 300 min dollara qədər davam etdirə bilər.

Tramp: “ABŞ-ni planetin kriptovalyuta paytaxtına çevirəcəyəm”
Son günlər bitkoinin və ümumilikdə kriptovalyutanın sürətli artımının əsas səbəbi ABŞ-də Respublikaçı namizəd Donald Trampın qalib gəldiyi prezident seçkiləridir. Seçki kampaniyası zamanı o, dəfələrlə kripto sənayesini və Amerika mədən şirkətlərini dəstəkləyəcəyini vəd edib.

Xatırladaq ki, ötən il "Standard Chartered Bank" 2024-cü ilin sonunda bitkoinin məzənnəsinin 100 min dollar səviyyəsində olacağını proqnozlaşdırmışdı.

Həmidə İbrahimova
AzVision.az


Teqlər:   bitkoin   kriptovalyuta  



Xəbər lenti


Azvision.az ©2014 | Bütün hüquqları qorunur