AzVision.az Cənubi Koreyanın “Yonhap” agentliyinə istinadən xəbər verir ki, prezident Yun Sok Yolun istefaya göndərilməsi qərarını birpalatalı Milli Məclisin 300 deputatından 204-ü dəstəkləyib. Parlamentin 85 üzvü bunun əleyhinə çıxıb, daha üç nəfər səsvermədə bitərəf qalıb, 8 səs isə etibarsız sayılıb.
İmpiçment üçün deputatların ən azı üçdə ikisinin dəstəyi lazımdır. Bununla belə, proseduru başladan altı müxalifət partiyasının cəmi 192 mandatı olduğundan, onlar hakim “Xalq Gücü” partiyasının ən azı səkkiz üzvünün dəstəyini almalı idilər ki, bunu da edə biliblər.
Eyni zamanda, Seulun Mərkəzi Dairə Məhkəməsi ölkə prezidenti Yun Sok Yola hərbi vəziyyətin tətbiqində köməklik etməkdə şübhəli bilinən Cənubi Koreya polisi rəhbərliyinin həbsinə qərar verib.
“Prokurorluğun tələbi ilə Milli Polis Agentliyinin baş komissarı Ço Ci Ho və Seul polisinin rəisi Kim Bon Sik barəsində müvafiq qərar qəbul edilib”, - agentlik yazıb.
Həmin şəxslər hərbi vəziyyət elan edildikdən sonra Milli Məclisin (MM) mühasirəyə alınmasına göstəriş verdikləri və dövlət başçısının qərarı ilə səsvermədə iştirak etməli olan deputatları qanunvericilik binasına buraxmadıqları üçün dekabrın 11-də saxlanılıblar.
Parlamentdə impiçment prosedurundan əvvəl şənbə günü Cənubi Koreyanın paytaxtı Seulda ən azı 200 min insanın prezidentin istefası tələbi ilə küçələrə çıxacağı barədə xəbərlər yayılmışdı.
Sahil İsgəndərov
AzVision.az
Cənubi Koreyanın prezidenti istefaya göndərildi
14 Dekabr 2024
Oxunub:292
Cənubi Koreya parlamenti ölkədə hərbi vəziyyətin tətbiqinə uğursuz cəhd göstərən prezident Yun Sok Yolun impiçmentinə səs verib.
Teqlər: Seul prezident impiçment
Vaxtında, Aydın, Lazımlı!
-1734078503.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
