AzVision.az xəbər verir ki, bunu Baş nazir Əli Əsədov Qahirədə D-8 11-ci Zirvə görüşündə deyib. Baş nazir bildirib ki, Ermənistan işğal etdiyi torpaqlarımızda azərbaycanlılara qarşı etnik təmizləmə həyata keçirib, bir milyondan artıq azərbaycanlı qaçqın və məcburi köçkün olub:
“Ərazilərimizdə urbisid, kultursid və ekosid törədilib. Azərbaycan xalqının mədəni və dini irsi məhv edilib. O ərazilərdə yerləşən 67 məsciddən 65-i yerlə-yeksan edilib. Hazırda isə bu torpaqlarda genişmiqyaslı bərpa-quruculuq işləri aparılır, kəndlər və şəhərlər tamamilə yenidən qurulur. Artıq minlərlə keçmiş məcburi köçkün öz dədə-baba yurdlarına qayıdıb. Yeni reallıqlar regionda davamlı sülh və sabitlik, həmçinin qarşılıqlı faydalı əməkdaşlıq üçün unikal imkanlar açır. Azərbaycan regional sülh gündəliyinə sadiqdir və bu istiqamətdə qəti addımlarını davam etdirəcək”.
Baş nazir əlavə edib ki, “2020-2030-cu illər üzrə yol xəritəsi” və gələcəkdə qəbul olunacaq strategiyalar D-8 ölkələri arasında əməkdaşlığı inkişaf etdirməklə yanaşı, dəyişən dünya kontekstində mövcud beynəlxalq mexanizmlərin yenidən nəzərdən keçirilməsinə xidmət edəcək: “Bir daha ölkəmizin D-8-ə üzv seçilməsi ilə bağlı verilən qərara görə hər birinizə təşəkkür edirik”.
AzVision.az
Baş nazir: Azərbaycan regional sülh gündəliyinə sadiqdir
19 Dekabr 2024
Oxunub:264
Azərbaycan 30 ilə yaxın davam edən erməni işğalına son qoyaraq, öz ərazi bütövlüyünü və suverenliyini tam bərpa edib.
Teqlər:
Vaxtında, Aydın, Lazımlı!
-1649406245.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
