AzVision.az xəbər verir ki, bu barədə "Unian" məlumat yayıb.

Qrenlandiya neçəyədir?

Nəşr Trampın Floridadakı Mar-a-Laqo iqamətgahında jurnalistlərə verdiyi açıqlamadan sitat gətirib: “O(Putin-red.) görüşmək istəyir və biz də buna hazırlıq görürük”.

Tramp iddia edib ki, hətta Kreml rəhbəri görüş istəyini açıq şəkildə deyib. "Biz bu müharibəni bitirməliyik", - Tramp vurğulayıb.

"Reuters" isə yazıb ki, ABŞ lideri belə bir tarixi görüşün nə vaxt baş tutacağını açıqlamayıb: "Kreml Trampın məlum açıqlamasına hələlik cavab verməsə də, bundan öncə rəsmi Moskva yeni ABŞ prezidenti ilə danışıqlara şad olacağını bəyan etmişdi".

Xatırladaq ki, Donald Tramp ötən il bu istiqamətdə bir sıra təkliflər irəli sürmüşdü. Siyasətçi bəyan etmişdi ki, Putinlə mümkün danışıqlar onun vəzifəyə başlamasının ilk altı ayı ərzində aparıla bilər. Rusiya liderinin mətbuat katibi Dmitri Peskov isə dünən deyib ki, bu günə qədər ABŞ-dən belə bir görüş üçün heç bir müraciət daxil olmayıb.

Yanvarın 20-də Trampın Ağ Evə rəsmi qayıdışı Ukraynada müharibənin diplomatik yolla sona çatacağına ümidləri artırır. Bununla belə, Kiyevdə belə düşünürlər ki, qalmaqallı açıqlamaları ilə seçilən siyasətçinin Ukrayna planı onlara baha başa gələcək. Ukraynada tələsik sülh sazişinin torpaqların həmişəlik itirilməsinə səbəb olacağını düşünürlər.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.

Tural Tağıyev
AzVision.az