Yunkerdən Lyayenə çağırış: "Trampdan qorxma!"

Yunkerdən Lyayenə çağırış: "Trampdan qorxma!"
  20 Yanvar 2025    Oxunub:447
Avropa Komissiyasının (AK) keçmiş prezidenti Jan-Klod Yunker diqqət çəkən açıqlamalar verib.
"Euractiv"in yaydığı məlumata görə, o, Avropa İttifaqını və AK-nin hazırkı prezidenti Ursula fon der Lyayeni Donald Trampdan qorxmamağa və cəsarətli davranmağa çağırıb.

Kanadanın Ukrayna əsilli siyasətçisi Trampa tarixi zərbə vəd etdi
“Biz bərabərhüquqlu tərəfdaşlar kimi işləməliyik və heç kimin bizi görə bilməyəcəyi bir küncdə gizlənməyə çalışmamalıyıq. Bizim də ABŞ-dəkilər kimi ləyaqətimiz var və bunu hər gün sübut etməliyik”, - Yunker bildirib.

Bundan əvvəl Rusiyanın Vyanadakı beynəlxalq təşkilatlar yanında daimi nümayəndəsi Mixail Ulyanov da oxşar mövzuda diqqət çəkən açıqlamalar vermişdi. O, bəyan etmişdi ki, Avropa İttifaqı (Aİ) ölkələrinin əksəriyyəti ABŞ-nin yeni seçilmiş prezidenti Donald Trampın andiçmə mərasimindən sonra öz gələcəyinə əmin deyil.
Qeyd edək ki, hələ ötən il Avropa mediasında Trampın prezident seçiləcəyi təqdirdə Aİ ölkələri ilə münasibətlərə yenidən baxacağına dair silsilə məqalələr dərc olunurdu.
Noyabrda keçirilən prezident seçkilərində Respublikaçılar Partiyasının namizədinin qələbə qazanması ABŞ və Avropa İttifaqı arasında münasibətləri kəskin şəkildə dəyişib.

Tural Tağıyev
AzVision.az



Teqlər:   Tramp   Aİ  





Xəbər lenti


Azvision.az ©2014 | Bütün hüquqları qorunur