Bu barədə "Interesting Engineering" "South China Morning Post" (SCMP) nəşrinə istinadən məlumat yayıb. Qeyd edilib ki, yarış aprel ayına planlaşdırılıb və Pekinin Dasin bölgəsində baş tutacaq.

Çin alimləri asteroid tədqiqi üçün "robot pişik" hazırlayıblar

Nəşrin məlumatına görə, marafonda 12 min insan ilə birlikdə dünyanın müxtəlif ölkələrinin şirkətlərini təmsil edən humanoid robotlar iştirak edəcək.

"Bu görünməmiş yarışlar Çinin süni intellekt və robototexnika sahəsində dünya lideri olmaq iddiası və ambisiyasını əks etdirir", - "Interesting Engineering" yazıb.

Məlumata görə, unikal yarışın iştirakçıları 21 km məsafə qət edəcəklər. Ən yaxşı üç iştirakçıya mükafatlar veriləcək.

“Pekin İqtisadi və Texnoloji İnkişaf Zonasının təqdim etdiyi şərtlərə uyğun olaraq, dünyanın hər yerindən şirkətlər marafonda iştirak edə biləcəklər. Bundan başqa, tədqiqat institutları, robototexnika klubları və universitetlər də robotları ilə tədbirə qatıla biləcəklər”, - nəşr yazıb.

Tərtibatçılar üçün əsas tələblərdən biri də yarışa gətiriləcək robotların mümkün qədər insana bənzəməsidir. Onlar həmçinin təkərlərsiz hərəkət etməli, iki ayaq üzərində yeriməyə və ya qaçmağa imkan verən mexaniki strukturla təchiz edilməlidirlər. Humanoidlərin hündürlüyü 0,5 ilə 2 metr arasında olmalıdır. Həm uzaqdan idarə olunan, həm də tam avtonom robotların marafonda iştirakı nəzərdə tutulub. Yarış zamanı akkumulyatorların dəyişdirilməsinə də icazə verilir.

Qeyd edək ki, Çin texnologiya, süni intellekt sahələrində xeyli sayda yeniliklərə imza atır. Məsələn, Çin alimləri ötən ilin sonlarında aşağı cazibə qüvvəsi şəraitində asteroidlərin səthində tullana bilən süni intellektə malik robot hazırlamışdılar.
Bundan bir neçə gün öncə isə Şanxay Jiao Tonq Universitetinin Maşınqayırma fakültəsinin professoru, Gao Feng yeni ağıllı robot ərsəyə gətirdiyini bəyan etmişdi. Bu, Çinin Ayı tədqiq edəcək altı ayaqlı robotudur.

Tural Tağıyev
AzVision.az