Leninin abidəsinə boya atan şəxsə qarşı cinayət işi açıldı

Leninin abidəsinə boya atan şəxsə qarşı cinayət işi açıldı
  02 Aprel 2025    Oxunub:535
Rusiyanın Kirov vilayətində Yuryanski bələdiyyələrarası idarəsinin əməkdaşları yerli sakinin Vladimir Leninin abidəsinə yaşıl boya tökdüyünü aşkar ediblər.
AzVision.az xəbər verir ki, bu barədə regional Daxili İşlər Nazirliyinin saytında məlumat verilib.

Gecə saatlarında naməlum kişinin Yurya kəndindəki büstün üzərinə boya tökməsi müşahidə kameralarına düşüb.

O, qanunsuz hərəkəti sərxoş halda törətdiyini bildirib.

1961-ci il təvəllüdlü şəxs barəsində vandalizm maddəsi ilə cinayət işi açılıb.

Təqsirləndirilən şəxs şübhəli şəxs qismində dindirilib, cinayət işi üzrə istintaq davam etdirilir. Hazırda abidədə bərpa işləri aparılır.

AzVision.az



Teqlər:





Xəbər lenti