Ölkəmizin kosmik təcrübəsi dərc olunacaq

Ölkəmizin kosmik təcrübəsi dərc olunacaq
  25 Fevral 2025    Oxunub:462
Azərkosmos, qabaqcıl biznes strategiyaları, transformativ ideyalar və regenerativ marketinq üzrə ixtisaslaşmış qlobal "AWE Consulting" şirkəti ilə əməkdaşlığa başlayıb.
AzVision.az xəbər verir ki, “AWE Consulting” dayanıqlı iqtisadi inkişafı təşviq etməyi hədəfləyən strateji marketinq şirkəti “Kotler Impact”ın MDB ölkələrindəki eksklüziv nümayəndəsidir.

Əməkdaşlığa əsasən “AWE Consulting”in dəstəyi ilə nəşr ediləcək 'Essentials of Modern Marketing, Azerbaijan Edition' (Müasir Marketinqin əsasları, Azərbaycan nəşri) kitabında, Azərkosmosa aid praktiki nümunə (case study) dərc olunacaq.

Kitab dünya şöhrətli marketinq nəzəriyyəçisi Filip Kotlerin 100 ölkəni əhatə edən qlobal təşəbbüsünün bir hissəsidir. Layihədə təqdim olunan kitab silsiləsi hər bir ölkəyə özəl yanaşma ilə hazırlanaraq yerli bizneslərin uğurlarını qlobal marketinq prinsipləri ilə birləşdirir. Azərbaycan nəşri ölkəmizin biznes mühitini beynəlxalq səviyyədə tanıtmağa, o cümlədən yerli marketinq mütəxəssislərinə qlobal təcrübədən yararlanmaq imkanı verəcək.

Bu addım regionda kosmik sənayənin Azərbaycanın kosmik sahədə əldə etdiyi real təcrübələr üzərindən öyrənilməsinə təkan verəcək və ölkəmizin kosmik sahənin inkişafına verdiyi töhfəni beynəlxalq səviyyədə ön plana çıxaracaq.

Tərəflər bu sazişin gələcəkdə elmi araşdırmaların genişləndirilməsində və beynəlxalq əməkdaşlıqların qurulmasında mühüm rol oynayacığını vurğulayıblar.


Teqlər: Azərkosmos  





Xəbər lenti


Azvision.az ©2014 | Bütün hüquqları qorunur