Bu fikirlər "The Economist"də dərc olunan məqalədəndir.

Britaniya nüvə münaqişəsinə hazırlaşır - "Daily Express"

Məqalədə qeyd edilib ki, xüsusilə, İsveç əhaliyə baş verə biləcək hərbi fəlakət zamanı sağ qalma prinsiplərini əks etdirən 5 milyon broşür paylayıb. Vərəqələrdə səlahiyyətlilər insanları ölkəyə hücum olacağı təqdirdə əvvəlcədən düşünülmüş xüsusi planı üzrə hərəkət etməyə çağırırlar.

Müəllif yazıb ki, əslində bu gözlənilməz, xəbərdarlıq xarakterli vərəqələrin yayılmasında məqsəd isveçliləri qorxutmaq olmayıb: "Məqsəd insanları məlum ssenariyə hazırlaşmağa təşviq etməkdir. Belə bir tədbirin mümkün böhran zamanı hökumət strukturlarının yükünü azaldacağı gözlənilir".

Dünən "The Local" xəbər yaymışdı ki, İsveç Mülki Müdafiə və Fövqəladə Hallara Hazırlıq İdarəsi 2025-ci ildə sığınacaqların yoxlanılması və təkmilləşdirilməsi üçün 100 milyon İsveç kronu (təxminən 10 milyon dollar-red.) ayıracağını açıqlayıb.

Bundan əvvəl isə "Politico" məlumat yaymışdı ki, Almaniya da hansısa güclü müharibəyə hazırlıq görür. Qeyd edilib ki, rəsmi Berlin İkinci Dünya Müharibəsindən sonra ilk dəfə olaraq öz qoşunlarını başqa ölkədə daimi şəkildə yerləşdirməyə başlayıb. 5 min nəfərlik briqada Litvada Belarusla sərhədə yaxın ərazidə yerləşdiriləcək.

Xatırladaq ki, “Daily Express” nəşri də bir müddət öncə oxşar mövzuda məqalə dərc etmişdi . Müəllif iddia edib ki, Böyük Britaniyada mütəxəssislər Rusiya-Ukrayna münaqişəsinin kəskinləşməsi fonunda nüvə partlayışı baş verəcəyi təqdirdə yaranacaq fəsadlarla bağlı araşdırma aparıblar. Nəşr 800 kiloton tutumlu Topol SS-25 nüvə bombasının istifadəsi halında dörd məhvetmə zonasını müəyyənləşdirib.


Tural Tağıyev
AzVision.az