![]() |
Milyarderlər Trampa görə bir günə 208 milyard dollar itirdilər |
Məlumata görə, hazırda avropalı tənzimləyicilər Maskı 1 milyard dollardan çox cərimə etməyi planlaşdırırlar.
"Mənbələrimizin bildirdiyinə görə, təklif olunan cəza tədbirlərinə cərimələrlə yanaşı "məhsulun dəyişdirilməsi" tələbləri də daxildir. Sanksiyaların bu yay elan ediləcəyi gözlənilir",- nəşr yazıb.
Qeyd olunub ki, 1 milyard formal rəqəmdir. Avropa səlahiyyətliləri Trampla gələcək antaqonizm risklərini qiymətləndirərkən hələ də "X"ə hansı cərimənin tətbiq olunacağını qərarlaşdırmayıblar. Mənbələrdən biri "cərimə 1 milyard dolları keçə bilər" deyib: "Bu, digər şirkətləri Rəqəmsal Xidmətlər Qanununu pozmaqdan çəkindirmək üçün bir nümunə olmalıdır".
Amma Aİ ilə "X"in cəriməsiz razılığa gəlməsi də mümkündür. Bunun üçün şirkət tənzimləyicilərin narahatlıqlarını təmin etməli, tələb olunan dəyişikliklərlə razılaşmalıdır.
İttifaqın rəsmisi "X" ilə bağlı yayılan xəbərlərə konkret şərh verməkdən imtina edib. O, ümumi fikirlər səsləndirərək deyib: "Biz həmişə qanunlarımızı ədalətli və ayrı-seçkilik qoymadan, qlobal qaydalara tam uyğun şəkildə tətbiq etmişik. Bunu Aİ ərazisində fəaliyyət göstərən bütün şirkətlərə şamil etmişik və tətbiq etməyə davam edəcəyik".
Aİ-də “X”ə qarşı təhqiqat 2023-cü ilin dekabrında başlayıb. Avropa Komissiyası şirkəti Rəqəmsal Xidmətlər Aktını (DSA) pozmaqda şübhəli bilir. Bu akt internet resursları operatorlarını məhkəmə qərarı olmadan Aİ-də qadağan edilmiş kimi işarələnmiş kontenti silməyə məcbur edir.
Tural Tağıyev
AzVision.az