Dmitiryev Ağ Evdə apardığı müzakirələrdən danışıb

Dmitiryev Ağ Evdə apardığı müzakirələrdən danışıb
  04 Aprel 2025    Oxunub:922
Rusiyanın Birbaşa İnvestisiya Fondunun (RBIF) rəhbəri, Rusiya prezidenti Vladimir Putinin xarici ölkələrlə iqtisadi əməkdaşlıq üzrə xüsusi nümayəndəsi Kirill Dmitriyev Vaşinqtona səfərinin nəticələri barədə açıqlama verib.
AzVision.az xəbər verir ki, Kirill Dmitriyev ABŞ prezidenti Donald Tramp administrasiyasının əsas üzvləri ilə Moskva-Vaşinqton dialoqunun bərpasını müzakirə etdiyini bildirib.

“Bilirsiniz ki, son iki gündə mən, həqiqətən də, prezident Putinin tapşırığı ilə burada Vaşinqtonda Tramp administrasiyasının əsas üzvləri ilə görüşlər keçirirəm. Əsas mövzulardan biri, əlbəttə ki, Rusiya-Amerika münasibətlərinin, dialoqun bərpası, Bayden administrasiyası dövründə tamamilə dayandırılmış və kəsilmiş dialoqdur”, - Dmitriyev “TASS” agentliyinin müxbirləri də daxil olmaqla, Vaşinqtonda kiçik bir qrup jurnalistə deyib.

Onun sözlərinə görə, ABŞ prezidenti Donald Trampın administrasiyası Rusiyanın mövqeyini eşidir və onun narahatlığını anlayır.

- Ancaq qeyd edərdim ki, prezident Trampın administrasiyası, administrasiyanın əsas üzvləri, Rusiya-Amerika münasibətlərindəki bütün aspektlərin həllinə hədəfləniblər. Təbii ki, onlar geosiyasi məsələlərin həllinə kökləniblər və bir çox məsələlərdə Rusiyanın mövqeyinə qulaq asırlar”, - Putinin xüsusi nümayəndəsi söyləyib.

RDİF rəhbəri bildirib ki, Rusiya və ABŞ birbaşa uçuşların bərpasını da müzakirə edirlər. İki ölkə arasında yeni danışıqların vədəsinin yaxın vaxtlarda müəyyənləşdirilməsi planlaşdırılır. O, həmçinin Ukraynada atəşkəs razılaşması istiqamətində “əhəmiyyətli irəliləyişin” əldə olunduğunu iddia edib.

Kirill Dmitriyevin dediyinə görə, Amerika şirkətləri Rusiyada fəaliyyətini dayandırmış Avropa şirkətlərinin yaratdığı boşluqları doldurmağa hazırdır.

Sahil İsgəndərov
AzVision.az



Teqlər: Dmitriyev   Vaşinqton   müzakirələr  





Xəbər lenti


Azvision.az ©2014 | Bütün hüquqları qorunur