Sibiqa: “Kiyev ABŞ ilə resurs sazişi bağlamaq istəyir”

  Sibiqa:  “Kiyev ABŞ ilə resurs sazişi bağlamaq istəyir”
  04 Aprel 2025    Oxunub:454
Ukrayna həqiqətən də ABŞ ilə yeraltı sərvətlər üzrə saziş bağlamaqda maraqlıdır.
AzVision.az xəbər verir ki, Ukraynanın Xarici İşlər naziri Andrey Sibiqa ABŞ-nin Dövlət katibi Mark Rubio ilə görüşdən sonra “X” sosial şəbəkəsindəki səhifəsində belə paylaşım edib.

“Mən Ukraynanın ABŞ ilə mineral ehtiyatlar sahəsində qarşılıqlı faydalı investisiyaların və əməkdaşlığın inkişaf etdirilməsində maraqlı olduğunu xüsusi və ayrıca şəkildə təsdiqlədim. Çünki bu, Kiyev və Vaşinqton arasında ikitərəfli tərəfdaşlıq üçün möhkəm əsasdır”, - Sibiqa yazıb.

Dünən ABŞ-nin Maliyyə naziri Skott Bessent bildirib ki, Ukrayna nümayəndə heyəti yeraltı sərvətlərin hasilatı və istifadəsi üzrə razılaşma üzərində işləmək üçün bu həftənin sonu və ya gələn həftənin əvvəlində Vaşinqtona gələcək.

Rəsmi Kiyev nümayəndə heyətinin ABŞ prezidenti Donald Trampın təklif etdiyi sazişin şərtlərinə yenidən baxılmasına nail olmaq məqsədi ilə Vaşinqtona göndərildiyini bildirib.

Sahil İsgəndərov
AzVision.az


Teqlər: ABŞ   Ukrayna   saziş  





Xəbər lenti