Kreml ABŞ-nin İrana hücum təhlükəsinə reaksiya verib

Kreml ABŞ-nin İrana hücum təhlükəsinə reaksiya verib
  04 Aprel 2025    Oxunub:286
Rusiya prezidentinin mətbuat katibi Dmitri Peskov ABŞ və İran arasında gərginliyin artmasına münasibət bildirib.
O, brifinq zamanı deyib ki, tərəflər səbrli davranmalıdırlar: "Biz hesab edirik ki, problem yalnız siyasi və diplomatik vasitələrlə müzakirə edilməlidir. Təbii ki, tərəflər təmkinliliyini qoruyub saxlamalıdırlar".

Kreml rəsmisi Moskvanın Tehranla yaxın münasibətlərini də xatırladıb.

Zaxarova: "İrana hücum yolverilməzdir"
"Biz hazırda ABŞ-la münasibətlərimizi bərpa etmək üzərində işləyirik. Lakin İranın həm bizim tərəfdaşımız, həm də müttəfiqimiz olduğunu xatırlatmalıyam. İranla xeyli inkişaf etmiş və çoxşaxəli münasibətlərimiz var", - Peskov qeyd edib.

Dünən Rusiya Xarici İşlər Nazirliyinin mətbuat katibi Mariya Zaxarova da bu mövzuya reaksiya vermişdi. O, rəsmi Moskvanın ABŞ-nin İrana qarşı istənilən ölçüdə hərbi güc tətbiqini qanunsuz və yolverilməz adlandırıb.

Xatırladaq ki, ABŞ prezidenti Donald Tramp bir müddət öncə İranı təhdid etmişdi. O, Vaşinqton və Tehran nüvə proqramı ilə bağlı razılığa gəlməsə, İranı “görünməmiş bombardmanlarla” hədələmişdi. İran isə belə bir halın baş verəcəyi təqdirdə oxşar addımlarla cavab verəcəyini vəd edib.

Tural Tağıyev
AzVision.az



Teqlər:   ABŞ   İİran   Kreml  





Xəbər lenti