70-ə yaxın ölkə ABŞ-dən tariflərin azaldılmasını xahiş edib

70-ə yaxın ölkə ABŞ-dən tariflərin azaldılmasını xahiş edib
  08 Aprel 2025    Oxunub:677
70-ə yaxın ölkənin nümayəndəsi ABŞ-yə tariflərin yumşaldılması ilə bağlı danışıqlara başlamağı təklif edib. Belə müzakirələr iyun ayına qədər davam edə bilər.
Bu barədə ABŞ-nin maliyyə naziri Skot Bessent məlumat verib.

Mask Trampdan tariflərə yenidən baxmağı xahiş edib
"Beləliklə, aprel, may hətta ola bilsin ki iyun ayı olduqca məşğul aylar sayılacaq", - Bessent Fox Business-ə açıqlamasında deyib.
ABŞ rəsmisi qeyd edib ki, o, xarici ölkələrin nümayəndələrinə soyuqqanlı olmağı, vəziyyəti gərginləşdirməməyi tövsiyə edib.

Bessent rəsmilərə Vaşinqton administrasiyasına tarifləri azaltmaq, maneələri aradan qaldırmaq, valyuta manipulyasiyasını və subsidiyaları dayandırmağa dair “konkret təkliflərlə” yanaşmağı məsləhət bilib. Belə olacağı halda Tramp nə vaxtsa danışıqlara başlamağa hazır görünəcək.

"Biz tariflərin yuxarı həddinə çatmışıq və gözləyirəm ki, uğurlu danışıqlar bizə onların tədricən azaldılmasına nail olmağa imkan verəcək. Bununla belə, çox şey başqa ölkələrdən asılı olacaq. Prezident Tramp bu prosesə sadiqdir və o, bir çoxumuz kimi qarşılıqlı ticarətin şərtlərinin indiyədək ədalətsiz qurulmasına inanır. Ona görə də danışıqların sərt olacağını vəd edib", - Skot əlavə edib.

Bundan əvvəl ABŞ Hökumətinin Səmərəliliyi Departamentinin (DOGE) rəhbəri, biznesmen İlon Mask prezident Donald Trampdan qarşılıqlı əsasda tətbiq etdiyi əlavə idxal tariflərinə yenidən baxmağı xahiş etmişdi.

Tural Tağıyev
AzVision.az



Teqlər:   Tarif   ABŞ   Tramp  





Xəbər lenti


Azvision.az ©2014 | Bütün hüquqları qorunur