Avropa ABŞ qoşunlarının xəbərdarlıqsız çıxarılacağından qorxur - "Bloomberg"

Avropa ABŞ qoşunlarının xəbərdarlıqsız çıxarılacağından qorxur - "Bloomberg"
  09 Aprel 2025    Oxunub:676
Avropa liderləri ABŞ-nin qəfildən öz qoşunlarını qitədən çıxara biləcəyindən narahatdırlar.
Bu fikirlər "Bloomberg"də dərc olunan məqalədəndir. Nəşr bu istiqamətdə aparılan müzakirələrlə tanış olan mənbələrə istinad edib.

Avropanın dəhşətli yuxusu gerçəkləşir?
Qeyd olunub ki, Avropa rəsmiləri artıq ABŞ prezidenti Donald Trampın administrasiyasının Amerika qoşunlarının bir hissəsini Avropadan çıxaracağı ilə barışıblar. Bununla belə, onlar bu cür dəyişikliklərin ən pis nəticələrini yumşaltmaq istəyirlər.

Agentlik belə hesab edir ki, Amerika qoşunlarının qitədən çıxarılması NATO müttəfiqlərinin Rusiyanın zəif ölkələrə qarşı mümkün təcavüzünün qarşısını almağa yönəlmiş hazırki intensiv işinə xələl gətirə bilər. Mənbələrdən biri deyib ki, Vaşinqtonun Avropadakı müttəfiqləri ABŞ-nin qitədəki hərbi mövcudluğunu xəbərdarlıq etmədən azalda biləcəyindən indi daha çox qorxurlar.

O da vurğulanıb ki, Avropa liderləri əslində bu planın fevralda Münhen Təhlükəsizlik Konfransında ABŞ-nin vitse-prezidenti Vensin çıxışı zamanı bəyan edəcəyini gözləyirmişlər.

Bundan əlavə, NATO xarici işlər nazirləri keçən həftə alyansın mənzil-qərargahında ABŞ dövlət katibi Marko Rubio ilə görüş zamanı da məsələni müzakirə ediblər. XİN rəhbərləri onu əmin etməyə çalışıblar ki, artıq avropalılar öz müdafiələri üçün üzərilərinə daha böyük məsuliyyət götürməyə başlayıblar.
Tural Tağıyev
AzVision.az



Teqlər:   Avropa   NATO  





Xəbər lenti


Azvision.az ©2014 | Bütün hüquqları qorunur