Bloomberg: “ABŞ öz “tələ”sinə düşüb”

Bloomberg: “ABŞ öz “tələ”sinə düşüb”
  10 Aprel 2025    Oxunub:578
Çin ABŞ-yə elektronika və bəzi digər malların əsas tədarükçüsüdür. Bu reallıq ölkələr arasında tariflərin tətbiqi səbəbindən amerikalı istehlakçılara mənfi təsir göstərə bilər.
AzVision.az xəbər verir ki, ABŞ-nin Beynəlxalq Ticarət Komissiyasının 2024-cü il üzrə məlumatlarına istinad edən “Bloomberg” agentliyinin yazdığına görə, Çin ABŞ-nin oyun konsolları idxalının təxminən 90%-ni, smartfonların 70%-dən çoxunu və noutbukların təxminən 66%-ni təmin edir. Bundan əlavə, Çin, fırçaların hazırlanmasında istifadə edilən porsuq və digər heyvan tüklərinin yeganə tədarükçüsüdür.

Tosterlərin, elektrik “yorğan”larının, kalkulyatorların və zəngli saatların 99%-dən çoxu, eləcə də ABŞ-yə idxal edilən çətirlərin, termosların, süni çiçəklərin və LED işıq lampalarının 90%-dən çoxu Çin istehsalıdır.

ABŞ-nin kritik minerallara və nadir torpaq metallarına görə Çindən asılılığı xüsusi diqqətə layiqdir.

“2024-cü ildə Çin şirkətləri Amerika iqtisadiyyatının ehtiyac duyduğu skandium və itrium ehtiyatlarının təxminən 80%-ni təmin edib. Çin mallarından belə yüksək asılılıq Amerika istehlakçıları və biznesləri üçün ciddi problemlərə səbəb ola bilər”, - “Bloomberg” agentliyi vurğulayır.

“Tramp tarifləri” dünya iqtisadiyyatını çökdürür
Xatırladaq ki, aprelin 2-də Tramp 185 ölkə və ərazidən gələn məhsullara rüsumların tətbiq ediləcəyini açıqlayıb. Çinə gəldikdə isə ABŞ tarifləri 34 % səviyyəsində müəyyən edilib. Buna cavab olaraq Pekin aprelin 10-dan etibarən ABŞ-dan idxal edilən bütün məhsullara 34 % əlavə rüsum tətbiq edəcəklərini açıqlayıb.

Tramp daha sonra Pekinin Vaşinqtonla ticarət razılaşmasına qədər Çin mallarına 104% rüsum tətbiq edəcəyini bildirib. Buna cavab olaraq Çin Amerika mallarına rüsumları 34%-dən 84%-ə qaldırıb. Dünən isə ABŞ prezidenti Çindən idxal tariflərini 125%-ə qaldırdığını bildirib.

Sahil İsgəndərov
AzVision.az




Teqlər:   ABŞ   Çin  





Xəbər lenti


Azvision.az ©2014 | Bütün hüquqları qorunur