Qəhvəyi düyü ağdan daha təhlükəli imiş - ARAŞDIRMA

Qəhvəyi düyü ağdan daha təhlükəli imiş - ARAŞDIRMA
  10 Aprel 2025    Oxunub:760
Miçiqan Dövlət Universitetinin alimləri maraqlı araşdırma aparıblar.
Elm adamları qəhvəyi düyüdə ağ düyüdən daha çox üzvi arsen olmasını aşkar ediblər. Bununla belə, bu məhsul yalnız gündəlik böyük miqdarda istehlak edildikdə təhlükəli ola bilər. Araşdırmanın nəticələri Risk Analysis jurnalında dərc olunub.

Yaponiyanın düyü ehtiyatları kəskin azalıb
Mütəxəssislər ABŞ-dəki supermarketlərin rəflərində istehlakçılara təklif olunan qəhvəyi və ağ düyü nümunələrinin biokimyəvi analizini aparıblar. Ağ düyüdə 33. qəhvəyi düyüdə isə 48% qeyri-üzvi arsenin olması müəyyən edilib. Tədqiqatçılar həmçinin digər ölkələrin dənli bitkilərində bu təhlükəli elementin daha yüksək səviyyədə olmasını aşkarlayıblar.

Alimlərin fikrincə, qeyri-üzvi arsen daha zəhərli element sayılır. O, dəniz məhsulları və digər qidalarda olan üzvi maddələrlə müqayisədə bədəndən daha az xaric edilir. Tədqiqatçılar düyüdə digər taxılkimilərdən təxminən 10 dəfə çox arsen olduğunu aşkarlayıblar. Bunun səbəbi, düyünün tez-tez su basmış tarlalarda yetişdirilməsidir. Daimi yaş ərazi torpaqdan arsenin bitkilərə rahat daxil olmasına şərait yaradır.

Mütəxəssislər xəbərdarlıq ediblər ki, mütəmadi olaraq bədənə arsenin düşməsi xərçəngə tutulma riskini artıra bilir: "Bununla belə, böyüklər qəhvəyi düyüdən "qorxmamalıdırlar". Bu, yalnız hər gün çox miqdarda istehlak edildikdə təhlükəli ola bilər. Bununla belə, bu məhsulu uşaqların pəhrizinə ehtiyatla daxil etmək lazımdır. Çünki onlar böyüklərə nisbətən çəkilərinə uyğun olmayan miqdarda çox qida qəbul edirlər. Arseni məruz qalma riski də balacalarda daha çox artır".


Tural Tağıyev
AzVision.az



Teqlər:   Düyü   Alim   Arsen  





Xəbər lenti


Azvision.az ©2014 | Bütün hüquqları qorunur