AzVision.az xəbər verir ki, Pakistanın BMT-dəki daimi nümayəndəsi Asim İftixar Əhməd BMT Təhlükəsizlik Şurasında Hindistanla Pakistan arasında münasibətlərin kəskinləşməsinə həsr olunmuş qapalı məsləhətləşmələrdən sonra jurnalistlərə açıqlamasında belə deyib.
“Biz Təhlükəsizlik Şurasının bütün üzvləri və İslamabadın özü tərəfindən də pislənilən 22 aprel terror aktına görə Hindistanın Pakistanı günahlandırmaq cəhdlərini qəti şəkildə rədd edirik. Hindistanın bəyanatları onun siyasi maraqlarına və strateji məqsədlərinə xidmət etmək üçün hazırlanmış əsassız, sübuta yetirilməmiş iddialardan başqa bir şey deyil”, - pakistanlı diplomat vurğulayıb.
Asim İftixar Əhməd Pakistanın qarşıdurma istəmədiyini, lakin BMT Nizamnaməsinin 51-ci maddəsinə uyğun olaraq öz suverenliyini və ərazi bütövlüyünü müdafiə etməyə tam hazır olduğunu bildirib.
Xatırladaq ki, Hindistan-Pakistan sərhədində gərginlik aprelin 22-də Cammu və Kəşmir ştatının məşhur Pahalqam turizm şəhərində terror aktından sonra artıb. Hücum nəticəsində 25 Hindistan və bir Nepal vətəndaşı həlak olub.
Sahil İsgəndərov
AzVision.az
Pakistan müharibə istəmir, amma buna hazırdır
06 May 2025
Oxunub:396
İslamabad aprelin 22-də Hindistanda törədilən terror aktında Pakistanın əli olması ilə bağlı ittihamları qəti şəkildə rədd edir.
Teqlər: Pakistan Hindistan müharibə
Vaxtında, Aydın, Lazımlı!
_5972467556_1515735411-1679917357.jpg&h=120&w=187&zc=1&q=70')
_VuUFM__HD-(1)-1746091328.jpg){kind=spacer}
