AzVision.az xəbər verir ki, məlumatı “Al Arabiya” telekanalı yayıb.

Bildirilir ki, “Pakistan tərəfində yeni sərhəd-keçid məntəqələrinin tikintisi fonunda Əfqanıstanın Hilmənd əyalətinin sərhədində Pakistan qoşunları ilə Taliban arasında toqquşma baş verib”.

Hazırda ölkələr arasında sərhəd bütün nəqliyyat növləri üçün bağlıdır.

Geo TV xəbər verir ki, Pakistanın Xidmətlərarası İctimai Əlaqələr Qurumu(ISPR) mayın 28-də Bəlucistanda keçirilən əməliyyatlar zamanı İslamabadın terrorçu adlandırdığı “Hindistan Fitnə əl-Hindustan” qrupunun 5 üzvünün öldürüldüyünü bildirib.

ISPR-ə görə, Raraşama kəndi yaxınlığındakı N-70 şossesində 30 nəfərin ölümü ilə nəticələnən iki intihar hücumu ilə əlaqəli Loralai rayonunda "güclü atışma"dan sonra "Hindistan tərəfindən dəstəklənən dörd terrorçu" öldürülüb. Ölənlərin üzərində silah, sursat və partlayıcı maddələr olduğu müəyyən edilib. Keç rayonunda daha bir “terrorçu” məhv edilib.

Geo TV qeyd edir ki, 2021-ci ildə ABŞ qoşunlarının çıxarılmasından sonra Taliban Əfqanıstanda hakimiyyətə gəldikdən sonra Pakistanın sərhəd əyalətlərində terror aktlarının sayı kəskin şəkildə artıb. Xüsusilə də qarşıdurmalar ötən ilin sonlarında baş verib. Daha sonra Pakistan Əfqanıstanın şərq sərhədində yerləşən Paktika əyalətinə hava zərbələri endirib və hədəfin Pakistan Talibanının sığınacaqları olduğunu elan edib. Əfqanıstan cavab olaraq “düşmən qüvvələrin və onların havadarlarının mərkəzlərinə və sığınacaqlarına”, o cümlədən Kabilin Pakistanla sərhəd adlandırdığı “xəyali xətt”dən kənarda hücuma keçib.

Bununla belə, Geo TV-nin Təhlükəsizlik Araşdırmaları Mərkəzinin (CRSS) məlumatlarına istinadən verdiyi məlumata görə, bu ilin birinci rübündə “Pakistanda təhlükəsizlik sahəsində bəzi perspektivli tendensiyalar yaranıb”: öldürülən yaraqlıların sayı mülki əhali və təhlükəsizlik qüvvələri arasında itkilərdən çox olub.

Əfqanıstanın Khaama Press agentliyi Pakistan və İrandan Əfqanıstan vətəndaşlarının deportasiyalarının sayının artdığını bildirir. Belə ki, rəsmi məlumatlara görə, son altı həftə ərzində 100 mindən çox əfqan miqrant Pakistandan deportasiya edilib. Bütün bunların fonunda BMT-nin Qaçqınlar üzrə Ali Komissarlığının İdarəsi tövsiyə edib ki, Pakistandakı əfqanlar həmişə sığınacaq və qeydiyyatı təsdiq edən sənədləri özləri ilə götürsünlər.

AzVision.az