“Biz artıq problemin həllinə yaxınlaşırdıq və birdən atəş başladı, insanlar öldü. Mən gözləmədiyim bir şey gördüm. Mən sürprizləri sevmirəm və bundan çox məyus oldum” , - Amerika lideri vurğulayıb.
Oval kabunetdə söhbət zamanı jurnalist Tramp və komandasının “çox inadkar Vladimir Putinlə qarşılaşmalı olduğunu” dedikdə ABŞ prezidenti “və Zelenski ilə” ifadəsini əlavə edib.
Rusiya prezidentini “yaxşı, yoxsa pis oğlan” hesab etdiyi barədə suala Donald Tramp “Mən onu çox yaxşı tanıyıram və onunla birgə çox şeydən keçməli olmuşam” cavabını verib.
Bu hadisələr fonunda ABŞ-də yeni anti-Rusiya tədbirlərini müzakirəsi davam edir. Demokrat Riçard Blumental ilə birlikdə Kiyevə səfər edən respublikaçı senator Lindsi Qrem Rusiyaya qarşı “ən sərt sanksiyaları” nəzərdə tutan qanun layihəsinin hazırlandığını açıqlayıb.
- Senatın gələn həftə sanksiyalar haqqında qanun layihəsini qəbul etməyə başlayacağını gözləyirəm. Nümayəndələr Palatasının onu təqdim etməyə hazır olan üzvləri var və siz bu hərəkəti görəcəksiniz. Təşəbbüsün məqsədi Moskvaya təzyiq göstərmək və prezident Trampa Putini danışıqlar masasına gətirmək üçün alətlər verməkdir” , - Lindsi Qrem söyləyib.
Bununla belə, Trampın özü indiyə qədər Rusiyaya qarşı yeni məhdudiyyətlər dəstəkləməkdən çəkinib. Onun sözlərinə görə, həddən artıq sərt sanksiyalar danışıqlar prosesinə zərər verə və razılaşmaların əldə olunmasını çətinləşdirə bilər. Ona yaxın mənbələr də Ağ Evin mümkün atəşkəsə yanaşma məsələsində elastikliyi qorumağa çalışdığını iddia edirlər.
Sahil İsgəndərov
AzVision.az
Vaxtında, Aydın, Lazımlı!
