Monteneqro klubu ermənilərlə sövdələşməyə görə cəzalandırıldı

Monteneqro klubu ermənilərlə sövdələşməyə görə cəzalandırıldı
  17 İyul 2025    Oxunub:1336
Avropa Futbol Assosiasiyaları İttifaqının (UEFA) nizam-intizam komitəsi Monteneqronun “Arsenal” (Tivat şəhəri) futbol klubunun 10 il müddətinə UEFA-nın himayəsi altında keçirilən bütün turnirlərdə iştirakını dayandırmaq qərarına gəlib.
AzVision.az “Reuters” agentliyinə istinadən xəbər verir ki, belə sərt cəzaya səbəb “Arsenal” klubunun 2023-cü ilin iyulunda Konfrans Liqasının seçmə mərhələsində sövdələşmələr əsasında matçlar keçirməsi ehtimalının araşdırılması olub.

O vaxt İrəvanın “Alaşkert” klubu ilə qarşılaşan “Arsenal” Ermənistandakı səfər matçında 1:1 hesabı ilə heç-heçə oynayıb, evdəki cavab görüşündə isə tivatlılar 1:6 hesabı ilə məğlub olub.
“Fair-play (vicdanlı oyun)” prinsiplərinin şübhəli şəkildə pozulduğunu təsdiqləyən uzun sürən araşdırmadan sonra UEFA 10 illik “Arsenal”ın diskvalifikasiya olunması qərarını çıxarıb.

Hazırda Monteneqronun birinci liqasında çıxışını davam etdirən “Arsenal” klubu həmçinin 500 min avro cərimələnib. Oyunçular və komandanın idman direktoru hər hansı futbol fəaliyyətindən uzaqlaşdırılıb.

Sahil İsgəndərov
AzVision.az


Teqlər: Montoneqro   Ermənistan   cəza  



Xəbər lenti